Яш краеведни уьстюнлюгю

       Яш краеведлени XV республика оьлчевдеги конкурсу «Бизин якълылар фронтда ва тылда» деген темагъа багъышлангъан эди. Онда ортакъчылыкъ этген Къакъашура юрт 1 номерли орта школаны яш краеведлерини аслу мурады – ата юртну, районубузну, респуб­ликабызны тарихи сырларын уьйренмек. Пагьмулу охувчулар 1 номерли орта школада 9-нчу класдан башлап, гьар тюрлю факультативлеге юрюй. Яшланы билимлерин артдырмакъ учун да эсгерилген школада ишлейген муаллимлер бар гючюн салып, къаны-жаны булан чалыша.

           Яш краеведлени республика конкурсунда Къакъашура 1 номерли орта школаны 9-нчу класыны охувчусу Нюрбике Зиявова ортакъчылыкъ этип, 1-нчи ерни алды ва диплом булан савгъатланды. Яш охувчу къыз савлай Къарабудагъгент ра­йонну, бизин 1 номерли орта школабызны муаллимлерин сююндюрдю. Ону илму ёлбашчысы, пагьмулу ва сынавлу 1 номерли Къакъашура орта школаны директоруну тарбиялав ишлеге къарайгъан заместители ва «Яш краевед» деген кружокну ёлбашчысы Муъминат Абдусаламовагъа конкурсну жюриси оьр къыймат бере туруп, диплом тапшурду. Жюрини председатели Омар Муртузалиев сыйлы савгъатланы тапшура туруп, Къакъашура 1 номерли орта школаны коллективине, ёлбашчысы Равзанат Жагьбаровнагъа тарбиялав ишинде уьс­тюнлюклер ёрады ва гележек наслубузну тюз ёлгъа салмакъ муратда чалышагъаны учун баракалла билдирди.

Автор: Салавутдин ЖАМУКЪОВ,

Дагъыстан Республиканы билим

беривюню отличниги.

Къакъашура юрт.

СУРАТДА: (онгдан солгъа – 2-нчи)

конкурсну жюрисини председатели

Омар Муртузалиев, (3-нчю)

Нюрбике Зиявова ва (4-нчю)

муаллим Муъминат Абдусаламова.


Авторизация
*
*
Регистрация
*
*
*
Согласны с условиями сайта?
Генерация пароля