Рубайда Темиравулда толмагъан орта школаны тамамлагъан сонг, охувун гечелик школада давам эте. Арадан заман гетип, мелте къыз къурдашлары булан сёйлешип, юртдагъы фермада савунчу болуп ишлеме токъташа. Совхозну директору Илмудин Атаев Рубайданы ишге алсын деп тилеп язгъан арзасына кёп сююп къол сала. Себеби – къызны атасы Патали Батыргереев районгъа чы нечик де, савлай республикагъа аты айтылгъан механизатор болгъан. «Булай атаны къызына инанабыз, – деп ёлгъа салгъан къызны директор. – Бар, ишле. Тек атанг ким экенни унутма».
Гертилей де, Рубайда шо йыллары гьакъда гьали де уллу ругьланыв булан хабарлай. Ол тенглилеринден артда къалмайман деген ой булан яшай. Шо заманлардагъы социалист ярышланы алдынлы савунчусу болуп арагъа чыгъа. Рубайданы юрт советге, райсоветге эки тирет депутат этип сайлайлар. О гьакъда хабарлай туруп, ол «Ленин ёлу» деген газетдеги суратларын, оьзюню гьакъында язылгъан макъалаланы гёрсете.
Заман гете. Асгерден къайтгъан Зайбулланы сююв окъжаясы Рубайданы юрегине бакъдырыла. «Шондан берли июль айда къыркъ беш йыл болажакъ, – дей ол. – Колхозлар, совхозлар дагъылды, – дей туруп, о гетген заманланы уллу кюстюнюв булан эсге ала.
Рубайда буссагьатгъы заманда пенсияда буса да, гьеч тынч туруп болагъан къатын тюгюл. Гьар гюн эртен оьзлер гелип гёрюп гетмесе чыдамайгъан уланлары Рустам, Мавсар, йыракъда агьлюсю ва яшлары булан гиччи уланы Руслан яшайгъан кюйлер де анагъа бек авара. Телефондан таба буса да ол Абдурагьманны, Женнетни, Арсенни, йыракъдагъы эгиз торунларыны охувлары гьакъда да ана билме борчлу.
Рубайданы бош заманы да ёкъ. Ол намаз къыла, зувгьан айландыра, юртда оьлгенлер болса, зикирлеге юрюй. Бираз алдын огъар гьаж намаз къылма да насип болду. Июль айда Зайбулла ва Рубайда, биз алда эсгергенде йимик, оьзлени татывлу ожакъ тигип яшап турагъанлыгъыны къыркъ беш йыллыгъын белгилежек. Оланы яшавдагъы гележек байрамы булан къутлап, савлукъ булан насип ёрама сюебиз.
Гертилей де, Рубайда шо йыллары гьакъда гьали де уллу ругьланыв булан хабарлай. Ол тенглилеринден артда къалмайман деген ой булан яшай. Шо заманлардагъы социалист ярышланы алдынлы савунчусу болуп арагъа чыгъа. Рубайданы юрт советге, райсоветге эки тирет депутат этип сайлайлар. О гьакъда хабарлай туруп, ол «Ленин ёлу» деген газетдеги суратларын, оьзюню гьакъында язылгъан макъалаланы гёрсете.
Заман гете. Асгерден къайтгъан Зайбулланы сююв окъжаясы Рубайданы юрегине бакъдырыла. «Шондан берли июль айда къыркъ беш йыл болажакъ, – дей ол. – Колхозлар, совхозлар дагъылды, – дей туруп, о гетген заманланы уллу кюстюнюв булан эсге ала.
Рубайда буссагьатгъы заманда пенсияда буса да, гьеч тынч туруп болагъан къатын тюгюл. Гьар гюн эртен оьзлер гелип гёрюп гетмесе чыдамайгъан уланлары Рустам, Мавсар, йыракъда агьлюсю ва яшлары булан гиччи уланы Руслан яшайгъан кюйлер де анагъа бек авара. Телефондан таба буса да ол Абдурагьманны, Женнетни, Арсенни, йыракъдагъы эгиз торунларыны охувлары гьакъда да ана билме борчлу.
Рубайданы бош заманы да ёкъ. Ол намаз къыла, зувгьан айландыра, юртда оьлгенлер болса, зикирлеге юрюй. Бираз алдын огъар гьаж намаз къылма да насип болду. Июль айда Зайбулла ва Рубайда, биз алда эсгергенде йимик, оьзлени татывлу ожакъ тигип яшап турагъанлыгъыны къыркъ беш йыллыгъын белгилежек. Оланы яшавдагъы гележек байрамы булан къутлап, савлукъ булан насип ёрама сюебиз.
Магьаррам АЛИМГЬАЖИЕВ.
Автор чыгъаргъан сурат.
