«Магомедка»

  


Гьюрметли охувчулар, мен сизге шулай бир болгъан ишни гьакъында билдирме сюемен. Бир ёлугъувда олуруп лакъыр этип турагъанда Хасавюртну орамларыны гьакъында шулай хабар чыкъды. Хасавюрт шагьарны Темиркъазыкъ боюндагъы, темир ёлну арии янындагъы орамлагъа къумукъ язывчуланы, шаирлени атлары къоюлгъан. Адамлар буса оланы атларын къысгъартып айтып къоялар. Шо ёлугъувда мени янымда минасы яхсайлы, чагъы эсли адам олтургъан эди. Лакъырыбыз орталаша туруп мен огъар:


–Сен буса Хасавюртда яшайсан, къайсы орамда турасан?– деп сорадым.


–Магомедкада тураман,– деди ол.


–О адамны атымы?– деймен.


–Дюр, –дей ол.


Шо заман яхсайлыгъа айып этдим. Сен яшайгъан орамгъа чы бизин къумукъ шаир, сизин яхсайлы, Дагъыстанны биринчилерден болуп халкъ шаири болгъан Абдулла Магьамматовну аты къоюлгъан. Биз шулай тилибизге де, адабиятыбызгъа, маданиятыбызгъа, тарихибизге де немкъорай янашсакъ, гележегибиз не болур экен? Гьюрметли охувчулар, сизге тилевюм, бу масъалагъа байлавлу оьзюгюзню ойларыгъызны языгъыз.


Мурат Омаров.


Авторизация
*
*
Регистрация
*
*
*
Согласны с условиями сайта?
Генерация пароля