Бир гёрюп таныш болгъандокъ, инсанны жанына гирип къалагъан ажайып илиякълы адамлар да къаршылаша экен бизин яшавубузда.Олар булангъы танышлыкъдан сонг оьзюнгню бир тамаша, къанатлар чыгъып къалгъандай гьис этесен.
Иш булан байлавлу болуп бир жагьил улан булан биринчилей таныш болгъанда, мени оюмну шолай яхшы пикирлер елеген эди. О уланны, гертиден де, герти адамлыкъ хасиятлары оьр даражада экенине сонг-сонг тюшюндюм. Оьз ишин намусу, ягьы булан юрютеген, саламат бу уланны гьакъында лайыкълы сёзлер айтагъан нече адамгъа да къаршы болдум.
Шо улан – Магьаммат Мухтарович Абдуллаев Тула областны оьзтёрече сыйлы аты булангъы Богородцк деген шагьарында бизден барып ишлейген Мухтарны ва Умукюсюмню агьлюсюнде тувгъан. Магьамматгъа уьч йыл болагъанда агьлю гене ватаны Дагъыстангъа къайта. 2003-нчю йылда Магьаммат Абдуллаев Магьачкъаладагъы 13 номерли орта школаны охуп битдирип, Дагъыстан пачалыкъ университетни юристлер гьазирлейген факультетине тюшген.Шо факультетни лап яхшы къыйматлагъа охуп битдирген жагьил уланны Каспийск шагьаргъа прокурорну кёмекчисини къуллугъуна йибергенлер.
Шо ишде бир нече йыл ишлеп яхшы сынав топлагъан сонг, ону Буйнакск шагьар ва район прокурорну кёмекчиси этип йиберген. Магьаммат бугюнге ерли шо жаваплы къуллугъунда намусу-ягьы булан ишлеп тура.
Магьаммат Абдуллаев – яшавлукъ коммунал хозяйстволаны, маданият ожакъланы, шагьарны ва районну ватандашларына енгилликлер болдурагъан (субсидия) къурумланы чалышывуна тергев эте. Судланы чалышывунда да ол гьаракатлы кюйдеги ортакъчысы. Магьаммат – битимине гёре бек гьалал, низамлы ва рагьмулу улан. Оьзюне тапшурулгъан яда рази болуп бойнуна оьзю алгъан гьар ишни ол намусу булан яшавгъа чыгъара, адамланы къуллукъларын кёп сююп кюте. Буйнакск шагьарны ва районну ватандашлары булангъы ёлугъувларда ол ихтиярларын англатыв ишни де эринмей юрюте. Уьзюрю къуллугъу болуп гелген гьар адамгъа къол ялгъама къабул, оьзюню адамлыкъ ва касбу борчларына амин улан.
Агьлюсю булан бирче булар Айша деген къызын оьзлени ругьунда оьсдюрюп, тарбиялап туралар. Магьаммат Абдуллаев аталаны асил адатларын, мердешлерин кёп сююп ва билип юрюте.Заман табып, чакъ-чакъда агьлюсю булан ата-анасыны, уллуларыны уьстюне етише, оланы тарыкъ-герегине табыла.
Буйнакск районда ва шагьарда яшайгъанланы атындан оьзюню касбу ва адамлыкъ борчларын гьалал кюйде яшавгъа чыгъарып чалышагъан Магьаммат Абдуллаевге, ону агьлюсюне арты битмейген яхшылыкълар ёрайман. Яратгъаныбыз сизин гьар балагьлардан къоруп сакъласын.
Иш булан байлавлу болуп бир жагьил улан булан биринчилей таныш болгъанда, мени оюмну шолай яхшы пикирлер елеген эди. О уланны, гертиден де, герти адамлыкъ хасиятлары оьр даражада экенине сонг-сонг тюшюндюм. Оьз ишин намусу, ягьы булан юрютеген, саламат бу уланны гьакъында лайыкълы сёзлер айтагъан нече адамгъа да къаршы болдум.
Шо улан – Магьаммат Мухтарович Абдуллаев Тула областны оьзтёрече сыйлы аты булангъы Богородцк деген шагьарында бизден барып ишлейген Мухтарны ва Умукюсюмню агьлюсюнде тувгъан. Магьамматгъа уьч йыл болагъанда агьлю гене ватаны Дагъыстангъа къайта. 2003-нчю йылда Магьаммат Абдуллаев Магьачкъаладагъы 13 номерли орта школаны охуп битдирип, Дагъыстан пачалыкъ университетни юристлер гьазирлейген факультетине тюшген.Шо факультетни лап яхшы къыйматлагъа охуп битдирген жагьил уланны Каспийск шагьаргъа прокурорну кёмекчисини къуллугъуна йибергенлер.
Шо ишде бир нече йыл ишлеп яхшы сынав топлагъан сонг, ону Буйнакск шагьар ва район прокурорну кёмекчиси этип йиберген. Магьаммат бугюнге ерли шо жаваплы къуллугъунда намусу-ягьы булан ишлеп тура.
Магьаммат Абдуллаев – яшавлукъ коммунал хозяйстволаны, маданият ожакъланы, шагьарны ва районну ватандашларына енгилликлер болдурагъан (субсидия) къурумланы чалышывуна тергев эте. Судланы чалышывунда да ол гьаракатлы кюйдеги ортакъчысы. Магьаммат – битимине гёре бек гьалал, низамлы ва рагьмулу улан. Оьзюне тапшурулгъан яда рази болуп бойнуна оьзю алгъан гьар ишни ол намусу булан яшавгъа чыгъара, адамланы къуллукъларын кёп сююп кюте. Буйнакск шагьарны ва районну ватандашлары булангъы ёлугъувларда ол ихтиярларын англатыв ишни де эринмей юрюте. Уьзюрю къуллугъу болуп гелген гьар адамгъа къол ялгъама къабул, оьзюню адамлыкъ ва касбу борчларына амин улан.
Агьлюсю булан бирче булар Айша деген къызын оьзлени ругьунда оьсдюрюп, тарбиялап туралар. Магьаммат Абдуллаев аталаны асил адатларын, мердешлерин кёп сююп ва билип юрюте.Заман табып, чакъ-чакъда агьлюсю булан ата-анасыны, уллуларыны уьстюне етише, оланы тарыкъ-герегине табыла.
Буйнакск районда ва шагьарда яшайгъанланы атындан оьзюню касбу ва адамлыкъ борчларын гьалал кюйде яшавгъа чыгъарып чалышагъан Магьаммат Абдуллаевге, ону агьлюсюне арты битмейген яхшылыкълар ёрайман. Яратгъаныбыз сизин гьар балагьлардан къоруп сакъласын.
Гюлзарият Къойсолтанова.
Суратда: М.Абдуллаев.
