Югъагъан аврувну алдын алмагъа чаралар гёрюле


       Алдагъы гюнлерде Къызларда   ичеклерине инфекция къабунуп, 72 адам шагьар больницагъа тюшген. Оланы арасында шо югъагъан аврувгъа тарыгъан 39 яш да бар. Онда тувулунгъан масъалагъа байлавлу болуп Дагъыстанны савлукъ сакълав министри Жамалутдин Гьажиибрагьимов гьалны ерине барып ахтаргъан.



Ол больницагъа етишип, аврув юкъгъанлагъа медицина якъдан не даражада кёмек этилегенин тергеп чыкъгъан. Ондан къайры, Дагъыстанны савлукъ сакълав министри Къызлар шагьарны ёлбашчылары булан ёлугъуп, ичек­леге югъагъан аврув яйылмасын учун не йимик ишлер юрютме герекни гьакъында да гьакълашгъан.


Шо аврув къабунуп, адамлар больницагъа тюшген гюн, Дагъыстанны савлукъ сакълав министрини тапшурувуна гёре хас касбучулардан штабы къурулгъан. Айтагъаныкъ, эпидемияны ахтарып, адамланы аврувун бакъмакъ муратда савлукъ сакълав ­министрни 1-нчи заместители Татьяна Беляева булан бирге Дагъыстанны ­югъагъан аврувлагъа къарайгъан ва шоланы алдын алагъан, СПИД-ге къаршы ябушагъан республика центрны касбучуларыны бригадасы шоссагьат Къызларгъа чыгъып гетген. Оланы арасында врач-инфекционист, врач-эпидемиолог, врач-лаборант да болгъан. Олар гьар ожакъгъа гирип дегенлей, гиччилерден башлап уллулагъа ерли бир ­ягъадан адамланы тергеп туралар. Шону учун 16 врач-фельдшер бригада къурулгъан. Ондан къайры да, чалтлыкъда гьаракат этеген 2 бригада да иш гёрюп тура.


Врачлар, медицина касбучулар Къызлар шагьарны халкъына сувну къайнатып ичмекни ва тазалыгъыны низамын сакъламакъны мекенли кюйде таклиф этген.

 

Авторизация
*
*
Регистрация
*
*
*
Согласны с условиями сайта?
Генерация пароля