Талатгюн, март айны 17-синде, халкъара Олимпия комитети коронавирус аврувну яйылывуну алдын алмакъ муратда кёбюсю уьлкелени пачалыкъ дазулары ябылгъангъа гёре, европалы спортчуланы арасында Олимпия оюнланы ортакъчыларын мекенлешдиреген ярышланы токътатывну гьакъында гьукъму чыгъаргъан.

 

Шондан алда буса эсгерилген ярышланы барышында оьтгерилген боксёрланы арасындагъы тогъатартывланы 1/8 тиретинде бабаюртлу Альберт Батыркъазиев Славакиядан гелген Вилиам Танкону утмагъа бажаргъан. Шолайлыкъда, ол бу йыл Японияда июль айны 4-нден август айны 19-на ерли юрюлежек Олимпия оюнларда ортакъчылыкъ этежеги белгили болгъан.

Алдын бизин уьлкени уьч керен чемпиону болгъан, Россияны халкъара даражалы спортуну устасы, бабаюртлу спортчу Альберт Батыркъазиевни шо уьстюнлюгю булан биз де гьакъ юрекден къутлайбыз. Шону булан бирге дёрт йылда бир болагъан дюнья оьлчевюнде алгъанда лап да агьамиятлы Олимпия оюнларда да оьрлюклер ёрайбыз.