Рустам Яикбаев коронавирусгъа къаршы вакцина этдирген

19 марта 2021 в 12:05 148
Дагъыстанны МФЦ-сини Бабаюрт райондагъы бёлюгюню директору Рустам Яикбаев коронавирусгъа къаршы вакцина этдирген.

Рустам Яикбаевни сёзлерине гёре, МФЦ-ни къуллукъчулары гьаман да халкъ булан къатнаша ва шону булан олар югъагъан аврувну юкъдурмагъа болагъанланы арасына гире.

«Биз ишибизге гёре кёп адам булан къатнайбыз, шо буса коронавирус аврувну алмагъа уллу къоркъунчлукъ тувдура. Озокъда, ишде аманлыкъны сакъламагъа чаралар гёребиз, амма шо да аврувдан къутгъармагъа толу кёмек этмей болма бола. Шо саялы да оьзюмню, къардаш-досумну аврувдан сакъламакъ учун вакцина этдирмеге токъташдым», -- дей Рустам Яикбаев.

Рустам Яикбаевни сёзлерине гёре, вакцинадан сонг ол оьзюн арив гьис эте, вакцина ону къаркъарасына бир тюрлю алмашынывлар да этмеген. Сонг да Рустам районну бары да халкъын вакцина этдирмеге, шону булан бирге гёрюнмейген душман булангъы давдагъы уьстюнлюкге оьз къошумун этмеге чакъыра.