Къарабудагъгент районну ёлбашчысы Магьмут Амиралиевни ортакъчылыгъы булан район администрацияны бинасында «Мени Дагъыстаным» деген флешмоб оьтгерилген.

Бизге билдирген кюйде, шо чараны барышында районну ёлбашчысы Дагъыстанны тарихи гьакъда хабарлагъан ва жыйылгъанланы уллу байрам булан къутлагъан.

Сонг да байрам агьвалатда район китапхананы охувчулары Дагъыстанны гьакъында язылгъан белгили шаирлени шиъруларын охугъанлар, Дагъыстанны гьакъында охумагъа ва онда гезеп айланмагъа чакъырыв этгенлер.

Чара район администрацияны жамият политикагъа къарайгъан управлениесини, район китапхананы ва тарихи музейни сиптечилиги булан оьтгерилген ва Дагъыстанны тарихине ва адабиятына тергев бакъдырмакъ муратда оьтгерилген.