Савгъат акъча – садагъагъа
Савгъат акъча – садагъагъа
Белгили экени йимик, оьтген йылны ахырында Катарда футбол оюндан дюньяны чемпионаты оьтгерилди.
Шо чемпионатны гьасиллерине гёре дёртюнчю ерге лайыкълы болгъан Мароккону жыйым командасына къуршалгъанланы эсгерилген уьлкени королю VI Магьаммат къабул этген. Тыш уьлкелени маълумат къураллары шо гьакъда билдире туруп, король футболистлер булан бирче оланы аналарын да къабул этгенин эсгере. Шону булан бирге, футболистлер оьзлеге савгъат гьисапда берилген 25 миллион долларны ярлы яшайгъанлагъа садагъагъа бергени гьакъда да айтыла.
«Дуаланы ахшамы»
Оьтген йылны ахырынчы гечесинде, демек, декабр айны 31-нде, Магьачкъала шагьарны жумамежитинде «Дуаланы ахшамы» оьтгерилген.
Яссы намаздан сонг минглер булангъы муъминлер жыйылгъан. Ону барышында савлай республикада белгили дин алимлер жыйылгъанланы алдына чыгъып, оьзлени насигьат сёзюн айтгъан, Магьаммат Пайхаммарны (а.с.) алгъышлайгъан мавлетлер охулгъан. Дагъыстанны ругьани управлениеси Умра къылмагъа тегин йибереген уьчев токъташдырылгъан. Шондан къайры да, жыйылгъанланы арасында оьзге багьалы савгъатланы есилери де белгиленген.
Янгы межит къурула
Каспийск шагьарда янгы межитни къурулушу башлангъан. Шо гьакъда эсгерилген шагьарны депутатларыны жыйыныны ёлбашчысы Абдулвагьит Жаватов оьзюню Telegram-каналында билдирген.
Ону сёзлерине гёре, ислам динни архитектура мердешлери сакъланып къурулагъан межитни бинасыны проекти Дагъыстанны ругьани управлениесини янындан да тасдыкъ этилген. Межитни бинасыны айланасында тереклер орнатылажакъ, намаз къылмагъа гелген муъминлеге ял алмакъ учун да оьзге тюрлю-тюрлю онгайлыкълар болдурулажакъ.
Белгили экени йимик, оьтген йылны ахырында Катарда футбол оюндан дюньяны чемпионаты оьтгерилди.
Шо чемпионатны гьасиллерине гёре дёртюнчю ерге лайыкълы болгъан Мароккону жыйым командасына къуршалгъанланы эсгерилген уьлкени королю VI Магьаммат къабул этген. Тыш уьлкелени маълумат къураллары шо гьакъда билдире туруп, король футболистлер булан бирче оланы аналарын да къабул этгенин эсгере. Шону булан бирге, футболистлер оьзлеге савгъат гьисапда берилген 25 миллион долларны ярлы яшайгъанлагъа садагъагъа бергени гьакъда да айтыла.
«Дуаланы ахшамы»
Оьтген йылны ахырынчы гечесинде, демек, декабр айны 31-нде, Магьачкъала шагьарны жумамежитинде «Дуаланы ахшамы» оьтгерилген.
Яссы намаздан сонг минглер булангъы муъминлер жыйылгъан. Ону барышында савлай республикада белгили дин алимлер жыйылгъанланы алдына чыгъып, оьзлени насигьат сёзюн айтгъан, Магьаммат Пайхаммарны (а.с.) алгъышлайгъан мавлетлер охулгъан. Дагъыстанны ругьани управлениеси Умра къылмагъа тегин йибереген уьчев токъташдырылгъан. Шондан къайры да, жыйылгъанланы арасында оьзге багьалы савгъатланы есилери де белгиленген.
Янгы межит къурула
Каспийск шагьарда янгы межитни къурулушу башлангъан. Шо гьакъда эсгерилген шагьарны депутатларыны жыйыныны ёлбашчысы Абдулвагьит Жаватов оьзюню Telegram-каналында билдирген.
Ону сёзлерине гёре, ислам динни архитектура мердешлери сакъланып къурулагъан межитни бинасыны проекти Дагъыстанны ругьани управлениесини янындан да тасдыкъ этилген. Межитни бинасыны айланасында тереклер орнатылажакъ, намаз къылмагъа гелген муъминлеге ял алмакъ учун да оьзге тюрлю-тюрлю онгайлыкълар болдурулажакъ.