Жагьиллер − террорчулукъгъа къаршы

29 сентября 2017 в 13:40 1095
Жагьиллер − террорчулукъгъа къаршы

Шулай чакъырыв булан Магьачкъалада гьалиги инчесаниятны 111 фестивалы оьтгерилди. Мунда дёрт номинациягъа гёре конкурслар да юрюлген: эстрада вокал, халкъ вокал, чебер охув, хореография саният.



Конкурсну гьасиллерине Дагъыстанны ат къазангъан артисткасы Р.Гьамзатова, «Адемос» деген шоу-балетни чебер ёлбашчысы З. Акъаева, Поэзияны театрыны директору Е.Гьарунова ва Горькийни атындагъы орус театрны режиссёру М.Карпачаева багьа берген.


ДР-ни маданият министрини заместители Мурат Гьажиев эсгерген кюйде, бу йыл фестивальны ортакъчылары санав якъдан айрокъда кёп болгъан. «Булай фестивальда ортакъчылыкъ этме сюеген мунча да кёп яшлар бар туруп, бизин республика даим де ярыкъ, рагьмулу ва парахат болажакъ», – деген ол.


Конкурсда уьстюн гелгенлер багьалы савгъатлар ва грамоталар булан савгъатлангъан. Бу фестиваль Россия Федерацияда 2013-2018-нчи йылларда террорчулукъ идеологиягъа къаршы юрюлеген комплекс программагъа гёре оьтгерилген.