Юзюмчюлюкню оьсдюрювню масъалаларына къаралгъан


Бу йыл июль (инныр) айны 4-нчю гюнюнде Дербентде ДР-ни юрт хозяйство министерлигини сиптечилиги булан юзюмчюлюк тармакъны оьсдюрювге байлавлу гезикли генгеш оьтгерилди.



Генгеш башлангъынча алданокъ ону ортакъчылары ерли сынавну уьйренмек мурат булан Дербент районну бир нече хозяйстволарында болдулар…



 Оьтгерилген генгешни ишинде Дагъыс­танны юрт хозяйство министри Абдулмуслим Абдулмуслимов, касбучулары ва шолай да Дагъыстанда юзюмчюлюк булан машгъул болагъан 6 районубузну вакиллери-касбучулары, юрт хозяйство предприятиелерини башчылары ортакъчылыгъын болдурду.



Дагъыстанны юрт хозяйство министри оьзюню гиришив сёзюнде жыйынны ортакъчыларына бу йыл республикабызда 180 минг тон юзюм алмагъа умут этилегени гьакъында къысгъаракъ баянлыкъ берди.



Белгили болгъан кююнде, Дербент районда «Геджух» деген юрт хозяйство предприятиеде йимик Зил, Дарваг, Мугарты юртлардагъы хозяйстволарда да юзюм оьсдюрювде бар имканлыкъланы пайдаландырыв хыйлы осаллашгъан. 130-150 центнер тюшюм береген юзюмню ерли «рислинг», «алиготе», « шардоне» журалары къуллукъларын камиллешдиривню талап этегени аян болгъан.



Уьстде де эсгерилгени йимик, дагъыс­танлы юзюм оьсдюрювчюлер бу йыл 180 минг тон татли емиш къайтармагъа токъташгъан, шону 110 минг тону – чагъыр гьазирлейген журалары.



Тек артдагъы йылларда бизин респуб­ликабызда юзюм чагъыр гьазирлевдеги имканлыкълар да къолдан чыгъарыла. Шо саялы да тышдан сан яны шекликни тувдурагъан осал чагъырлар гелтирилип сатывгъа салына. Шо да къоллавчуланы разилигин тувдурмай.



Муна шо саялы да, ич ва тыш базарларда тогъатартывда оьзгелерден артда къалмасын учун дагъыстанлы юзюм ­оьсдюрювчюлени ругь ва материал якъдан иштагьландырывда пачалыкъ кёмекни асувлу кюйде пайдаландырмаса бажарылмай, оьсюв болмай.



Уьстевюне, ерли предприятиелерде оьсдюрюлеген юзюмню гьар килосуна тёленеген багьаланы ёрукълашдырывну масъаласы да йыл сайын къыйынлаша.



Бу гезик генгешде республикадагъы юзюмню ишлетеген предприятиелени вакиллери юзюм оьсдюрювчюлерден юзюмню гьар килосун, шекери 17 процентден кем болмайгъан кюйде, 21-22 манатдан къабул этмеге разилешген.



Авторизация
*
*
Регистрация
*
*
*
Согласны с условиями сайта?
Генерация пароля