Республиканская еженедельная общественно-
политическая газета «Ёлдаш» (Спутник)
Меню YOLDASH.news МаълуматларКъайгъырыш КъутлавларDAG.news"Времена"В ДагестанеВ РоссииИнтервьюВ миреНа КавказеГлава РДНародное СобраниеПравительствоМинистерства и ведомства Муниципалитеты In memoriamНовости спортаГод культуры безопасности Выборы - 2018ЧЕ-2018 Kaspeuro2018БлогосфераАналитикаЖамиятПолитика.ЭкономикаБаянлыкъДин ва яшавЖамият низамИлмуTürk dünyasi Савлукъ ЭкологияЮртлар ва юртлуларЯшёрюмлер МаълуматАнтитеррорБирев де унутулмагъан...МаданиятАдабиятКультура ожакъларБилимИнчесаният Къумукъ тилКроссвордМасхараларТеатрЯнгы китапларЯшланы дюньясы Спорт ярышларЕдиноборства Развитие спортаСоревнованияФК «Анжи» МедиасфераО газетеО сайтеСМИНаши авторыФото дняНаши партнерыНаши спонсорыСотрудникиАфишаГалереяРекламаЮбилейный номер
Республиканская еженедельная общественно-
политическая газета «Ёлдаш» (Спутник)
"ЁЛДАШ" ГАЗЕТ

Гележегим де сизин булан


Аявлу муаллимлер, яшёрюмлер,

гиччипавлар ва ёлдашлар!


Бу йыл апрель айны башындан тутуп «Ёлдаш» газетни байрам йылы десек де ярай. Сав йылны узагъында газетибизни электрон почтасына не ерден де къутлав кагъызлар гелип турду. Оланы арасында гиччипавланы ёравлары да болду. Кёбюсю «Яшланы дюньясында» чыкъма да чыкъды ва бирлери берилмей де къалды. Артдагъы йыл бир-бир себеплеге гёре сагьифа сийрек болуп да чыкъды. Аллагь буюрса, гележекде олай болмас учун бек къасткъылып, сизин булан, муаллимлер ва гиччипавлар, бирге ишлербиз!


Бирдагъы бир сююнч хабар, мен «Яшланы дюньясын» юрютегеним 10 йыл бола экен. Мунча йылны узагъында нечесе яшёрюмлер школаны битдирип, оьр билим береген ожакъларда охуйдур ва охуп да битгендир!? Гиччипавланы бирлери гьали-гьали школаны тамамлайдыр. Йыллар нече де тез гете экен, тек язып болагъан яшлар школаны битип гетсе де, амма гиччипав ёлдашларыбыз кемимеген. Олай болгъанда, бизин анадаш газетибизни гележеги барына ва ана тилибизни абуру сёнмежегине инанабыз. Сиз билемисиз, яшлар, шу 100 йылны ичинде мени шу газетде чалышгъан 13 йылым да бар. Он уьч йылны 10 йылы «Ёлдаш» газетни «Яшланы дюньясы» деген сагьифасы булан байлангъан.


Кёп-кёп яшёрюмлени ва гиччипавланы яратывчулукъ ишлери бу бетде печат этиле гелген. Ондан къайры да, бу бетни менден алда кёп йыллар юрютюп гелгенлени янындан да хыйлы иш этилген, хыйлы яшёрюмлени ва гиччипавланы яратывчулукъ ишлери бу сагьифада печат этилингени гьакъ. Мени булан бирче ишлейген, ёл тута­гъан къайсы муаллим де Яраш Бийдуллаевни эсгермей къоймай. Айрокъда Къарабудагъгент, Къаягент ва Буйнакск районланы муаллимлери айрыча эсгере, баракалласын етишдирсин деп магъа да тапшуралар. Бугюн мен муаллимлер булан бирче бизин гьюрметли ёлдашыбыз Яраш Бийдуллаевге оьзюмню баракалламны да билдирмеге сюемен. Бир-бирде эсиме геле: «Магъа бу сагьифаны тапшурагъан заманда, огъар «Яшланы дюньясындан» айрылмагъа бек къыйын болгъандыр», – деп. Тюз де тюз, оьзюм де шолай бу бетден айрылмагъа болмайман.


Йылдан-йыл яшлагъа бакъгъан якъдагъы сюювюм артса тюгюл, кемимей. Олар ана тилин сюйсюн учун, бек къасткъылып ишлемеге муштарлыман. Юхусырама турагъан муаллимлени айыкъдырма гьаракат этемен. Аллагь рази болсун, бизин булан къолгъа-къол ялгъайгъан муаллимлеге. Оланы гьаракаты болмаса, яшлар булан иш гёрмесе, тилни уьстюнде яхшы берилип ишлемесе, тилибиз сёнмей не къала? Тилни байлыгъын ва биргине-бир республика оьлчевде чыгъагъан анадаш газетибизни барлыгъын гёрсетеген де, оьр этеген де кёбюсю муаллимлерибиз деп айтсам, янгылыш тюгюлмендир деп эсиме геле. Неге тюгюл, тилни лап таза булакъдай агъагъан ери – муаллимлени тилинде. Аявлу муаллимлер, яшёрюмлер ва гиччипавлар, бизин бай тилибиз сёнмесин, таза ана тилибизде чыгъагъан печат къуралларыбыз, бизин «Ёлдаш» газет кёп-кёп юз йыллар яшасын. Савлугъум бар чакъы, мени гележегим де сизин булан байланыр.




Количество показов: 368
15.12.2017 00:00

Возврат к списку

AlfaSystems massmedia K3FN2SA
Рейтинг@Mail.ru Яндекс.Метрика Бесплатный анализ сайта