Мы в Instagram:

Instagram

XML имеет неверный формат

Бахтияр Агьматов: «Олимпия оюнланы алтын медалы бизин уьлкеге къайтгъангъа оьктем боламан» |

   

Бахтияр Агьматов: «Олимпия оюнланы алтын медалы бизин уьлкеге къайтгъангъа оьктем боламан»

Белгили болгъаны йимик, Пекин шагьарда 2008-нчи йылда оьтгерилген Олимпия оюнларында тутушуп ябушувдан 120 кило авурлукъда алдынлыкъ алгъаны учун Артур Таймазовгъа тапшурулгъан алтын медаль чыгъарылып алынгъан. Шо гьакъда апрель айны 6-сында Халкъара Олимпия оюнланы комитети оьзюню хас сайтында билдирген.

Оьзюню аты эсгерилеген кочапны тергелмеге алынгъан къанына бирдагъы керен де ахтарывлар этилген сонг «туринабол» деген къаркъарасыны къуватын артдырагъан спортчулагъа къоллавда гери урулагъан мадда табылгъанлыкъ шогъар аслу себеп болуп токътагъан. Демек, А. Таймазов дёрт йылны инг агьамиятлы спорт ярышларында етишген уьстюнлюк инкар этилген. Шолайлыкъда, 2008-нчи йылда Олимпия оюнларыны барышында тутушуп ябушувдан оьтгерилген ярышланы финал тиретинде ону булан тогъатартгъан дагъыстанлы кочап, къумукъ улан Бахтияр Агьматовгъа Олимпия оюнланы алтын медалы тапшурулажагъы гьакъда гьукъму чыгъарылгъан.

Шо буса къумукъ кочаплар Олимпия оюнларда лайыкълы болгъан уьчюнчю алтын медаль болуп токътай. Барыбызны да эсибизде йимик, 1980-нчи йылда Москва шагьарда оьтгерилген Олимпия оюнларда къумукъ батырлар Сапиюлла Абсайитов ва Магьамматгьасан Абушев савлай дюньягъа аты айтылгъан кочаплар булан тогъатартывларда алдынлыкъ алып къайтгъан сонг, бизин кочаплар шо оьлчевдеги уьстюнлюклеге етишмеген эди. Белгили бизин кочапларыбызны шо зор уьстюнлюгюнден сонг арадан хыйлы йыллар оьтюп, гьали Бахтияр Агьматов да оланы сыдырасына къошулду.

Европаны чемпиону, Россияны спортуну ат къазангъан устасы, Пекинде оьтгерилген XXIX Олимпия оюнларында гёрмекли оьрлюклеге етишгенге «Ватанны алдындагъы къуллукълары учун» деген экинчи даражалы орденни медалы булан савгъатлангъан Бахтияр Агьматов мухбирлеге берген баянлыгъында оьзю лап да гёрмекли уьстюнлюгюне етишгени Олимпия оюнланы вакътисинде белгили болмагъанына аз талчыгъагъанын билдирди. Шону булан бирге, Олимпия оюнланы алтыны бизин уьлкени спорт макътавлугъуна къошум этгенине оьктем болагъаны гьакъда эсгерди. Олимпия оюнланы алтын медалына оьзю бир де къаравулланмагъан кюйде лайыкълы болгъанын гертилей туруп, ишлер шолай айлангъанына уялагъанын айтды.

Ону сёзлерине гёре, Олимпия оюнларда Таймазов булан оьтгерилген шо тогъатартывдан сонг бизин уьлкени жыйым командасыны тренерлери судьялагъа берген кёбюсю соравларына жавап алмагъа болмай къалгъан. Шо ёлугъувну экинчи яртысында уьзбек кочап ес болгъан биргине-бир балгъа токъташдырылгъан заман тамамлангъан сонг лайыкълы болгъан. Шо балл да ябушувну натижаларына айрыча таъсир этген.

Гьасил чыгъарып айтгъанда, бугюнлерде Олимпия оюнланы алтын медалы, арадан сегиз йыл оьтюп, огъар, гертиден де, тийишли кочапгъа тапшурула. Дагъыстанны халкъ шаири Магьаммат Атабаев Бахтияр Агьматовгъа багъышлангъан бир шиърусунда да айтагъан кюйде, нартдай ябушагъан, бир де сыртын ерге тийдирмей макътавлу кочапланы хамур йимик ийлейген, савлай дюньягъа атын данггъа чыгъармагъа бажаргъан бизин кочапгъа бизге де гележекде оьрлюклер ёрамакъ къала.


Н. БАЙБОЛАТОВ.



Количество показов: 117

Комментарии (0)




Возврат к списку

 



Важные новости

Актуальные новости

              Дорогие друзья!

Присоединяйтесь к нам в соцсетях


insta.jpg

                




1.jpg

2.jpg

3.jpg

4.jpg

5.jpg

9.jpg

10.jpg


ਠ ­®¢®áâ¨.jpg

ªà « â¢.jpg

ANADOLU AJANSI.jpg

haberturk.jpg



AlfaSystems massmedia K3FN2SA