Республиканская еженедельная общественно-
политическая газета «Ёлдаш» (Спутник)
Меню YOLDASH.news МаълуматларКъайгъырыш КъутлавларDAG.news"Времена"В ДагестанеВ РоссииИнтервьюВ миреНа КавказеГлава РДНародное СобраниеПравительствоМинистерства и ведомства Муниципалитеты In memoriamНовости спортаГод культуры безопасности Выборы - 2018ЧЕ-2018 Kaspeuro2018БлогосфераАналитикаЖамиятПолитика.ЭкономикаБаянлыкъДин ва яшавЖамият низамИлмуTürk dünyasi Савлукъ ЭкологияЮртлар ва юртлуларЯшёрюмлер МаълуматАнтитеррорБирев де унутулмагъан...МаданиятАдабиятКультура ожакъларБилимИнчесаният Къумукъ тилКроссвордМасхараларТеатрЯнгы китапларЯшланы дюньясы Спорт ярышларЕдиноборства Развитие спортаСоревнованияФК «Анжи» МедиасфераО газетеО сайтеСМИНаши авторыФото дняНаши партнерыНаши спонсорыСотрудникиАфишаГалереяРекламаЮбилейный номер
Республиканская еженедельная общественно-
политическая газета «Ёлдаш» (Спутник)
Турнир таъсирли оьтдю

Турнир таъсирли оьтдю

 
   Бугюнлерде Борагъан юртну спорт центрыны залында ярышлар оьтгерилди. Борагъан юртну авур атлетика спортну устасы Самавдин Баракаевни эсделигине багъышлангъан район турнирде  19 йыл битмеген яшёрюмлер ортакъчылыкъ этди.

 

  «Спортгъа – ачыкъ ёл, наркотиклеге де, террорчулукъгъа да, экстремизмге де къаршылыкъ!» деген чакъырывну тюбюнде юрюлген турнирни ачылывуна Борагъан юртну башчысы Р. Адилханов, Мычыгъыш Республиканы Тамазалар советини председателини заместители Ш. Батаев, республиканы ат къазангъан тренери  Ж. Атгьалимов, юрт депутатлар ва оьзге абурлу къонакълар гелди. 


Гьаракатны спортцентрны директору Ш.  Мамаев ачды ва юрютдю.  Ол  С. Баракаевни яшав ёлу ва спортда етишген  уьстюнлюклери,  олай да ол авур атлетиканы яймакъ учун къастлы гьаракатын малим этип сёйледи. Гелген сыйлы къонакълар да савлукъ учун спортну пайдасы, наркотиклени заралы гьакъда айтдылар. Террорчулукъгъа ва экстремизмге къаршылыкъ юрютмеге тюшегенин ташдырдылар.  Шондан сонг эки райондан гелген 50-ден де артыкъ спортчу ярышлагъа гиришдилер.  Олар 10 тюрлю авурлукъда  бир-бири булан тогъатартдылар.


Оьтгерилген турнирни гьасиллерине гёре, биринчи ерни Борагъан юртну командасы къазанды. Экинчи ерге Аллерой юртну командасы ес болду. ­Уьчюнчю ерге де Хошгелди юртну командасы  лайыкълы болду.


Турнирни алдынлылары медаллар, дипломлар ва район администрациясыны атындан кубоклар булан савгъатланды.  Борагъанлы М. Бажиевге лап яш спортчу гьисапда савгъат тапшурулду. Уьстюнлюкге гёнгюллюк учунгъу савгъат Хошге=лди юртдан гелген А. Исакъовгъа берилди. Къаравчуланы сюювюн къазангъан спортчугъа берилеген савгъат Аллерой юртлу З. Танталашевге тапшурулду.


 

 

А. БАТАЕВ.

Мычыгъыш Республика, Борагъан.



Количество показов: 503
26.01.2018 13:15

Возврат к списку









AlfaSystems massmedia K3FN2SA
Рейтинг@Mail.ru Яндекс.Метрика Бесплатный анализ сайта