Мы в Instagram:

Instagram

XML имеет неверный формат

Эл мунгайып, Игитине савбол дей |

Сентябрни йигирма алтысында Совет Союзну Игити Элмурза Биймурзаевич Жумагъулов гечинген деген хабар кёплени пашман этди. Шогъар байлавлу болуп гёмгенче алда Игитни абзарыны алдында къайгъылы митинг оьтгерилди.

Эл мунгайып, Игитине савбол дей
Митингни ача туруп, Хасавюрт район администрацияны башчысы Загьир Боташев Элмурза Биймурзаевични яшёрюмлени тарбиялавда уьлгюсю гьакъда айтды.
– Бизин бойдан Уллу Ватан давда 11 мингден де артыкъ адам ортакъчылыкъ этген, шоланы 11-вюне Игит ат берилген, – деди ол. – Макътавлу танкист Элмурза Биймурзаевич айрыча къоччакълыкъ гёрсетген. Ол 50-ден де артыкъ немис танклар булангъы урушланы ортакъчысы. Шоланы арасындан 15 танкны, 8 юрюйген атышыв савутну (самоходная гаубица) ва йигирмагъа ювукъ пушканы яллатгъан, 100-ден де артыкъ немисни оьлтюрген.
Къайгъылы митингде Дагъыс­тан Республиканы Гьукуматыны Председателини биринчи орунбасары Анатолий Карибов, Дагъыс­танны печатгъа ва информациягъа къарайгъан министри Азнавур Гьажиев, Дагъыстанны военный комиссары Дайитбек Мустафаев ва башгъа жаваплы къуллукъчулар ортакъчылыкъ этди.
А.Карибов Игитни дос-къардашына язылгъан Дагъыс­тан Республиканы Президенти Р.Абдулатиповну къайгъырышыв телеграммасын охуду.
Шолай да, къайгъылы митингде Д.Мустафаев, Дагъыстанны Ветеранларыны советини председатели Магьаммат Керимов, Хасавюрт, Новолак районланы ва Хасавюрт шагьарны военный комиссары Абакар Давутов, Хасавюрт шагьар депутатларыны председателини орунбасары Мугьажир Салагьбеков сёйледилер.
Элмурза Жумагъулов къатты хасиятлы, Ватаныны герти патриоту, уьлгюлю агьлюлю ва насигьатчы адам кюйде кёплени эсинде ва юреклеринде даимге къалажакъ. Ол оьзюню оьмюрюню 30 йылын военный комиссар болуп, сонг Къарланюрт юрт администрацияны башчысы ва тюрлю-тюрлю идараларда ёлбашчы болуп ишлеген. Къайда ишлесе де, ол абур-сый къазангъан. Ону дав ва яшав йыллары гележек наслулагъа уьлгю болажакъгъа шеклик ёкъ.
Митингни ахырында Игитни иниси Абдурагьман жыйылгъанлагъа баракалла билдирди ва савунда йимик гьали де абур этип, ахыр ёлгъа салма гелгенлеге рази­лигин айтды.
Маълуматны битдире туруп, мен бир тамаша расланывну айтма сюемен: Э.Жумагъуловгъа Игит ат 1944-нчю йыл сентябр айны 26-нда берилген, арадан 69 йыл гетип, шо гюн Уллу Ватан давда гьайран къоччакълыкъ гёрсетген Игитибиз гёмюлдю. Аллагь рагьмат этсин! Жаны женнетлерде болсун!

Гебек КЪОНАКЪБИЕВ,
оьз мухбирибиз.
Суратда: къайгъылы
митингден гёрюнюш.
Количество показов: 452

Комментарии (0)




Возврат к списку

Актуальные новости

              Дорогие друзья!

Присоединяйтесь к нам в соцсетях


insta.jpg

                




1.jpg

2.jpg

3.jpg

4.jpg

5.jpg

9.jpg

10.jpg


ਠ ­®¢®áâ¨.jpg

ªà « â¢.jpg

ANADOLU AJANSI.jpg

haberturk.jpg



AlfaSystems massmedia K3FN2SA