Мы в Instagram:

Instagram

XML имеет неверный формат

Сувтюп гемечилени гюню белгиленген |

Март айны 19-нда Ватан давну уллу музейинде дагъыстанлы, Совет Союзну Игити, Къызылюлдузлу Темиркъазыкъ флотну сувтюп гемелерини дивизионуну командири Магьаммат Гьажиев тувгъанлы 110 йыл битегенликге багъышлангъан уллу жыйын болгъан. О чараны Россия Федерацияны Президентини янындагъы Дагъыстан Республиканы даимлик вакили «Морское братство – нерушимо» деген халкъара жамият патриот къурум булан бирликде ва Магьаммат Гьажиевни эсделик фонду онгаргъан.


Сувтюп гемечилени гюню белгиленген

Шатлы жыйын Даим янагъан отну къырыйына гюллер салыв булан башлангъан. Дагъыстан Республикада уллу делегация да шо агьвалатда ортакъчылыкъ этген. РФ-ни Президентини янында Дагъыстанны даимлик вакили Зумурут Мугьутдинова биринчи даражалы капитан Усман-Гьажи Алиев булан бирликде Дагъыстан Республиканы Башчысы Рамазан Абдулатиповну атындан гюл байлам салгъан.

«Морское братство – нерушимо» деген чараны юрютеген Арсений Крицкий жанын къурбан этген сувтюп гемечилени эсделигин минутлукъ шыплыкъ булан эсге алмакъны таклиф берген. Ондан сонг Усман-Гьажи Алиев Магьаммат Гьажиевни къоччакълыгъы гьакъында айтгъан: «Гьажиев – Дагъыстанны макътавлу уланы, уьлкени азатлыгъын ва ону пайдасын къоччакъ кюйде якълагъан адам. Ол оьзю къысгъа оьмюрюню ичинде къуллукъ этген флотларда, ол буса Совет Союзну бары да флотларында къуллукъ этген, оьзюн яхшы яндан танытгъан. Оьзюню заманында инг яхшы сувтюп гемечи де болгъан».

Ватан давну музейини директоруну заместители Михаил Михальчев де сувтюп гемечилени байрамы булан къутлагъан.

З. Мугьутдинова айтгъан кюйде, Дагъыстандан Совет Союзну биринчи Игити болгъан Магьаммат Гьажиевни аты, ону къоччакъ ишлери саялы ва денгиз давда къоллангъан янгы къайдаларын чыгъаргъаны учун темиркъазыкъ бойдагъы шагьарланы бирисине ону аты берилген.

Ондан сонг РФ-ни Дав-Денгиз флотуну ветеранларын савгъатлав агьвалат башлангъан.

– Дагъыстанны къоччакъ уланы, Совет Союзну Игити Магьаммат Гьажиев Ватанын якълагъан Темиркъазыкъ флотну сувтюп гемечилерини макътавлукъгъа айтылгъан вакили гьисапда эсибизде къалгъан. Гарнизон-шагьар Гьажиевода къуллукъ этеген яш наслугъа уьлгю гёрсетген ветеранлар ону эсделигин сакълай, – деген Арсений Крицкий.

М. Гьажиевни агьлюсюню атындан жыйылгъанлагъа Муртазали Гьажиев баракалла билдирген.


А. ГЬАМЗАЕВ.


Количество показов: 106

Комментарии (0)




Возврат к списку

Актуальные новости





1.jpg

2.jpg

3.jpg

4.jpg

5.jpg
9.jpg
10.jpg
ਠ ­®¢®áâ¨.jpg
ANADOLU AJANSI.jpg
haberturk.jpg



AlfaSystems massmedia K3FN2SA