Мы в Instagram:

Instagram

XML имеет неверный формат

ДР-ни Халкъ Жыйыныны гезикли сессиясы |


Хамисгюн, апрель айны 27-синде, Магьачкъала шагьарда Дагъыс­танны Халкъ Жыйыныны гезикли сессиясы оьтгерилди. Ону ишинде ДР-ни Гьукуматыны министрлери, федерал ва республика къурумланы, политика партияланы, жамият бирлешивлени ва пачалыкъ маълумат къуралларыны вакиллери ортакъчылыкъ этди.



ДР-ни Халкъ Жыйыныны гезикли сессиясы

Сессияны Дагъыстанны Халкъ Жыйыныны Председатели Хизри Шихсайитов ачды ва юрютдю. Ону ортакъчылары инг алда республиканы парламентини фракцияларыны вакиллерини чыгъып сёйлевлерине тынглады. Шондан сонг олар бизин республиканы бир-бир участкаларына мировой судьяларыны къуллу­гъуна белгиленегенлени арагъа салып ойлашды ва тасдыкъ этди. Дагъыстан Республиканы Гьисап палатасыны председатели Билал Жагьбаров оьзю ёлбашчылыкъ этеген къурумну 2016-нчы йылдагъы гьаракаты гьакъда баянлыкъ берип сёйледи. Шо гьакъда Дагъыстанны Халкъ Жыйыныны бюджетге, финанслагъа ва налоглагъа къарайгъан комитетини председатели Сейфуллагь Исакъов да маълумат берди.

Шондан къайры да, депутатлар «Дагъыстан Республиканы Конституциясына алышынывлар этив» деген законну проектин экинчи охувда арагъа салып ойлашды ва ону къабул этди. Шо закон булан Дагъыстанны Халкъ Жы­йыныны ягъында иш гёреген жагьиллени парламентини законланы проектлерин таклиф этивге байлавлу сиптечилиги тасдыкъ этилди.

Сонг да, депутатлар «Да­гъыстан Республиканы топуракъ аралыкъланы ёрукълашдырыв» деген законну проектин экинчи охувда къабул этди. Шолай да, экинчи охувда «Дагъыстан Республиканы ерли гьакимлик къурумларына Дагъыстан Республикада къаравсуз къалгъан жанланы тутувгъа ва сакълавгъа Дагъыстан Респуб­ликаны пачалыкъ ихтиярларын беривню гьакъындагъы» законну проекти къабул этилди. Шону булан бирге «Ветеринарияны гьакъында» деген законгъа алмашынывлар болду.

Дагъыстан Республиканы «Политика къысас беривлени къурбанларын социал якъдан якълав» деген законуну 5-нчи статьясына, «Дагъыстан Республикада гьакъылбалыкъ болмагъан яшланы ишлерине къарайгъан ва оланы ихтиярларын якълайгъан комиссиялары гьакъда», «Дагъыстан Республикада яшавлукъ масъалаланы чечивге далапчылыкъ булан доланмайгъан бирлешивлени пачалыкъны янындан якълавну гьакъында», «Яшларын тарбиялавда ва олагъа билим беривде ата-ананы жавапчылыгъы гьакъда» деген Дагъыс­тан Республиканы законуну 7-нчи статьясына алмашынывлар ва къошумлар этилди.

Сессияны барышында депутатлар арагъа салып ойлашгъанларыны арасында «Дагъыстан Республикада яратывчулукъ къуллукъчуланы ва яратывчулукъ бирлешивлени гьа­къында», «Гьакъылбалыкъ болма­гъан яшланы жамият тарбиялавчулары гьакъында» деген законланы проектлери де бар.

Бир-бир законлагъа, ачыкълашдырып айтгъанда, «Дагъыстан Рес­публикада физкультура ва спортну гьакъында», «Дагъыстан Республикада кёкюрек аврув булан авруй­гъанлагъа кёмек болдурув ва кёкюрек аврувну алдын алыв», «Дагъыстан Республикада законланы гьакъында», «Намусну, динни юрютювню ва дин бирлешивлерини гьакъында» деген законлагъа да алмашынывлар этилди. Парламент сагьатда «Асувлу пачалыкъ ёлбашчылыкъ этив» деген агьамиятлы проектни яшавгъа чыгъарылыву да арагъа салынып ойлашылды.

Сессияда, умуми кюйде алгъанда, 20-дан да артыкъ масъалагъа къаралды. Олагъа байлавлу тийишли къарарлар къабул этилди.


Бизин мухбирибиз.



Количество показов: 99

Комментарии (0)




Возврат к списку

Актуальные новости





1.jpg

2.jpg

3.jpg

4.jpg

5.jpg
9.jpg
10.jpg
ਠ ­®¢®áâ¨.jpg
ANADOLU AJANSI.jpg
haberturk.jpg



AlfaSystems massmedia K3FN2SA