Мы в Instagram:

Instagram

XML имеет неверный формат

ДР-ни Халкъ Жыйынына Чакъырыв кагъызны гьакъында |

–Дагъыстанны Башчысыны гьар йыллыкъ Чакъырыв кагъызы республиканы яшав гьалын белгилейген документ гьисапда болуп къалмай, Дагъыстанны оьсюв ёлун да белгилей. Онда республиканы гьар тюрлю гьакимлик къурумларыны алдына салынгъан борчлар, жамият-политика ва социал-экономика гьал анализ этиле, – деген ДР-ни Халкъ Жыйыныны Председатели Х.Шихсайитов.


ДР-ни Халкъ Жыйынына Чакъырыв кагъызны гьакъында

Гьасиликалам, шо документ аслу социал-экономика оьсювню, дагъыстанлыланы яшав гьалын яхшылашдырмакъ учун бакъдырылгъан. Шо къайдада янашгъанда, Чакъырыв кагъыз ишни яшавгъа чыгъарагъан къурумланы, адамны яшавун яхшылашдырывгъа бакъдырылгъан.

Алдагъы Чакъырыв кагъызлардан бу йылгъысыны башгъалыгъы артдагъы йыллардагъы оьсювню анализ этмек иш сынавун гьисапгъа алмакъ булан байлавлу. Бир-бир министерликлени ва тармакъланы ёлбашчыларыны иши булан рази болмагъан Республиканы Башчысы Рамазан Гьажимуратовични кадр масъалаланы чечеген кюю республиканы оьсювюне таъсир этер деп эсиме геле.

Артдагъы йылларда аз иш этилмеген. Тек Рамазан Гьажимуратович етишген оьрлюклени гьакъында тюгюл, шо ёлда тувулунгъан масъалаланы гьакъында айта.

Ол Дагъыстан Республиканы Халкъ Жыйыныны закон яратывчулугъуна ва вакиллик ёлуна, олай да депутат корпусунда яшёрюмлени санаву оьсегенге агьамият берегенни эс этебиз. Гьалиден сонг да гьакимлик къурумлагъа, айрокъда «Единая Россия» партиягъа тийишли яшёрюмлени ва тиштайпаланы сайламакъны таклиф эте.

Республиканы депутат корпусу алдыбызгъа салынгъан чакъырывлагъа жаваплы янашар, Чакъырыв кагъызда салынгъан масъалаланы чечивде актив кюйде ортакъчылыкъ этер деп эсиме геле. Тез заманны ичинде Халкъ Жыйынны депутатлары адамлар булан ёлукъмакъ учун шагьарлагъа ва районлагъа баражакъ. Шо ёлугъувларда Дагъыстанны Башчысыны Чакъырыв кагъызында айтылагъан англатыв иш булан машгъул болажакълар, – деген Халкъ Жыйыныны Председатели.


Бизин мухбирибиз.


Количество показов: 219

Комментарии (0)




Возврат к списку

Актуальные новости





1.jpg

2.jpg

3.jpg

4.jpg

5.jpg
9.jpg
10.jpg
ਠ ­®¢®áâ¨.jpg
ANADOLU AJANSI.jpg
haberturk.jpg



AlfaSystems massmedia K3FN2SA