Мы в Instagram:

Instagram

XML имеет неверный формат

Асгер къуллукъгъа язбашгъы чакъырыв |

  

Апрель айны 3-нде Дагъыстан Республиканы Военный комиссариатында ДР-ни Военный комиссары Дайитбек Мустафаев булан РФ-ни Савутлу Гючлерине гезикли чакъырыв башлангъанлыкъны гьакъында ёлугъув болду.


Асгер къуллукъгъа язбашгъы чакъырыв

Ёлугъувну ача туруп, Д. Мустафаев айтгъан кюйде, Дагъыстандан асгерге бу язбашда 1900 яш барма герек. Оланы 1045-вю асгерде, къалгъан 115-вю РФ-ни Милли гвардиясында къуллукъ этежек. Дагъы башгъа ерлерде бизин республикадан чакъырылагъан яшлар къуллукъ этмежек.

Республиканы Военный комиссары айтгъаны йимик, асгер къуллукъгъа аслу алда оьр билими, орта ва хас билими бар адамлар къабул этиле. Айрокъда ДОСААФ къурумларда гьазирленген яшлагъа агьамият бериле. Олай да, не буса да бир себеплеге гёре асгер къуллукъгъа алынмагъан уллу чагъындагъылар алынажакъ.

− Эсигизге салма сюемен, − деди Военный комиссар, − оьр билими бар яшланы асгер къуллукъгъа чакъырывда РФ-де Дагъыстан 1-нчи ерде, чакъырылагъан яшланы процентине гёре, озокъда.

Ол айтгъан кюйде, Дагъыс­тандан чакъырылагъан яшлар Къыбла, Гюнбатыш, Центральный, Гюнчыгъыш округларда ва Темиркъазыкъ флотда къуллукъ этежеклер. Олар тыш уьлкелеге йиберилмежек.

Дагъы да военком булай маълумат берди. 2016-нчы йылда Дагъыстандан асгер къуллукъгъа 3470 яш йиберилген. Оланы 42 процентини орта хас ва оьр билими бар. Оборона министерликге 2870 адам, Милли гвардияны федерал къуллугъуна 600 адам йиберилген. Берилген тапшурувда 830 адам гёрсетилген буса, оьр охув ожакълагъа 1010 адам йиберилген. Оьр охув ожакълагъа тюшген яшланы санаву берилген тапшурувдан кёп артыкъ. Шо процент булан Къыбла военный округда, оьр охув ожакълагъа тюшген яшланы санавун алсакъ, биз уьчюнчю ердебиз. Оланы 344-вю военный училищеге тюшген.

Д. Мустафаев айтгъан кюйде, яшларыбыз къуллукъ этеген асгер бёлюклерден Дагъыстангъа 40 баракалла кагъыз гелген. Баракалла да кёбюсю Рутул, Ахты, Бабаюрт, Гуниб, Новолак, Чарода районлардан гетген яшлагъа бериле. Олай да, Дербент, Каспийск, Хасавюрт, Магьачкъала шагьарлардан къуллукъ этегенлеге.

Дагъыстандан баргъан яшланы 8-вю асгер бёлюкню командирлерини янындан такъсырланма да такъсырлангъан. Военный комиссар оланы атларын айтып турмады, Кули ра­йондан ва Магьачкъаладан экенни чи эсгерди.

Д. Мустафаев айтгъан кюйде, гетген йыл булан тенглешдиргенде, бу йыл мекенли алышынывлар болмагъан. Бир алышыныв бар. О да орта хас охув ожакъланы студентлери алдын 20 йыл чагъына ерли вакътиде асгер къуллукъдан азат этиле эди буса, гьали охув ожакъны битгинче чакъырылмай. Гетген йыл булан тенглешдиргенде, дагъы башгъа алышыныв ёкъ.

Чинк де къыйын масъала − асгер къуллукъдан баш къачырагъанлар. Олай ватандашлагъа 27 йыл тамамлангъан сонг да военный билет берилмежек. Ватандашланы асгер къуллукъгъа барма борчлу этмейбиз. Бары да масъала гёнгюллю кюйде чечиле. Неге тюгюл де, асгер къуллукъгъа барма сюегенлени санаву кёп.

А. ГЬАМЗАЕВ.


Количество показов: 97

Комментарии (0)




Возврат к списку

Актуальные новости





1.jpg

2.jpg

3.jpg

4.jpg

5.jpg
9.jpg
10.jpg
ਠ ­®¢®áâ¨.jpg
ANADOLU AJANSI.jpg
haberturk.jpg



AlfaSystems massmedia K3FN2SA