Экономика оьсювюню гьасиллери чыгъарылгъан

Дагъыстан Республикада 2021-нчи йылда яшавлукъ-экономиканы оьсювюн болдурмакъ учун этилген ишлени гёзден гечирип къарамакъ муратда, регионну Башчысы генгеш оьтгерген. Ону барышында эсгерилгени йимик, гьаракат аслу гьалда халкъны яшавун яхшылашдырмакъ учун республиканы имканлыкъларын толу кюйде къоллап, дагъы да къошум онгайлыкълар да болдурулуп кютюлген.

 

Республиканы Башчысы эсгерген кюйде, чечилме тарыкълы инг умпагьатлы масъалаланы арасында газлашдырыв, къурулуш тармакъны реформа этив, рес­публикагъа инвестициялар гелтирмек учун гьажатлы шартлар яратмакъ эсгериле.

Дагъыстан оьзюню яшавлукъ-экономика оьсювюн болдурувда янгы канзиге гётерилгенин эсгере туруп, федерал кёмеклени кёп пайдасы тийгенни де айтма тарыкъ. 2021-нчи йылда регионгъа 10,5 миллиард манат бюджет харжлар берилген болгъан. Харж халкъны сув булан таъмин этиливюн яхшылашдырмакъ учун да къоллана.

Республика инвестиция программалагъа гёре 389 къурулуш-объектлер харж маялар булан таъмин этилген. Оланы арасындан 47-си къурулуш ишлерин тамамлагъан.

Туризм тармакъны оьсювюнде де алгъа барыв гьис этиле. Гелеген туристлени санаву 2020-нчы йылдан эсе, 2021-нчи йылда 30 процентге артгъан.

Генгешде Дагъыстан Республиканы экономика ва территория оьсювюню министрини борчларын заманлыкъгъа кютеген Руслан Алиев эсгерген кюйде, экономиканы ва яшавлукъ тармакъны оьсювюн рес­публиканы инвестиция прог­раммасы болдура. Ону яшавгъа чы­гъарылывун болдурмакъ учун 2021-нчи йылда 18,4 миллиард манат гёрсетилген болгъан. Шолай топлангъан харж маяланы яхшылыгъындан гёз алгъа тутулгъан 170 къурулушну арасындан 34-сю ишленип битген. 344 чакъырым ёллар ярашдырылгъан. 27,3 чакъырым – янгы ёллар, 584 къошум узуну булангъы 12 кёпюр къурулгъан.

Оьзге тюрлю тармакъларда да этилген ишлер бар. Сергей Меликов билдирген кюйде, этилме гереклилери де кёп.

Авторизация
*
*
Регистрация
*
*
*
Согласны с условиями сайта?
Генерация пароля