Мы в Instagram:

Instagram

XML имеет неверный формат

Бу шиша завод алдынлылардан болса ярай |


Касбучуланы багьа беривюне гёре, «Каспийск такъта шиша завод» ювукъ арада Къыбла Россияда шиша чыгъарывда алдынлылардан болса да ярай. Неге тюгюл, пачалыкъда шиша чыгъарывну 12 проценти Каспийскидеги заводгъа тие.


Бу шиша завод алдынлылардан болса ярай

Бугюнлеге ерли предприятие шиша чыгъарывну оьсдюрюп тура. 2016-нчы йылны натижаларына таянса, шиша чыгъарыв 2, 8 миллиард манатгъа токътагъан. Ондан къайры да, предприятиеде мал сатыв да артгъан.

«Каспийск такъта шиша заводну» директору Игорь Кремер билдиреген кюйде, Темиркъазыкъ Кавказда биргине-бир шо предприятие шиша тармакъны гьалиги алдынлы технология булан чыгъара. Гьалиги заманда шо малны чыгъарыв бир нече кюйлерде оьтгериле.

–Биринчилей, такъта шишаны чы­гъармакъ учунгъу материаллар темир ёл булан гелегенден къайры, оланы тазалыгъын, сан янын лабораторияларда тергеп чыгъара. Экинчилей, шишаны чыгъарывда къолланагъан материалны гьазир этме тарыкъ.

Игорь Кремер заводда болагъан малны тюрлю къайдаларыны гьакъында айта туруп, онда 2,6-дан 10 миллиметр къалынлыгъы булангъы тюссюз шиша чыгъартылагъанны да эсгерген. – Шо къайдалы шишаны къалынлыгъы да, уьстюню тегишлиги де санлы бола. Ону тетиги де ончакъы болмай. Шону учун бизде этилинеген шишаны автомобиль яда башгъа къурувчу тармакъларда эркин кюйде къоллама бажарыла. Бизин предприятиеде гьазирленеген шиша 91 процентге ярыкъны да оьтгере. Базарда буса, орта гьисапда алгъанда, такъта шишаланы ярыкъны оьтгеривю 89 процентге етише. Шону булан бирге малны сан яны заводну конвейеринде тергелип чыгъа. Ондан къайры да, къалынлыгъына, тетиклерине талаплагъа гёре не къадар жавап берегенине агьамият этилине.

Эгер де сан яны осал чыкъса, тарыкълы даражада тюгюл буса, шо малны пайдасыз экенге, гьисапгъа алмайбыз, –деп билдирди Игорь Кремер.

Эсигизге салабыз, «Каспийск такъта шиша завод» – къурувчулукъ тармакъда гьалиги технологияны пайдаландырып, кёп уллу оьлчевлердеги инвестиция проект. Бу предприятиени суткада 600 тон такъта шиша чыгъармагъа гючю бар.

Бугюнлерде предприятиеде чыгъа­гъан мал Темиркъазыкъ Россияны бары да ерине, олай да, Украинагъа, Азербайжангъа, Грузиягъа, Къазахстангъа етишдириле. Заводда 400 адам ишлей ва бюджетни гьар тюрлю даражаларына бир миллиарддан да артыкъ налоглар тёлей.


Зарема Уразаева.


Количество показов: 131

Комментарии (0)




Возврат к списку

 



Важные новости

Актуальные новости

              Дорогие друзья!

Присоединяйтесь к нам в соцсетях


insta.jpg

                




1.jpg

2.jpg

3.jpg

4.jpg

5.jpg

9.jpg

10.jpg


ਠ ­®¢®áâ¨.jpg

ªà « â¢.jpg

ANADOLU AJANSI.jpg

haberturk.jpg



AlfaSystems massmedia K3FN2SA