Мы в Instagram:

Instagram

XML имеет неверный формат

Сурат выставка |

Алдагъы гюнлерде Магьачкъала шагьарны тарих музейинде белгили суратчы Магьаммат Кажлаевни выставкасы оьтгерилди. Выставкада суратчыны башгъалагъа ошамайгъан, оьзгелени такрарламайгъан хаты бар экени гёрюнюп тура.

Сурат выставка
Музейни директору Зарема Дадаева да эсгерген кюйде, Магьаммат Кажлаев айланабызда болуп турагъан гьалланы, дюньяны оьзюню англавуна гёре оьзю гьис этеген кюйде суратлай. Гьар адамны хасиятлары башгъа йимик, гьар суратчыны да оьзюню хас хаты, англаву бар экени гёрюне.
Магьаммат Кажлаев 1946-нчы йылда Къазикъумукъ юртда тувгъан. Ол Дагъыс­танда чебер училищени ва Москвадагъы полиграфия институтну охуп битдирген. Гьар тюрлю инчесаният выставкаларда 1971-нчи йылдан берли ортакъчылыкъ эте. 1970-нчи йыллардан берли, ону абстракт къайдада язылгъан суратлары къаравчуну тергевюн тартгъан.
Магьаммат Кажлаев, выставканы ортакъчылары да эсгерген кюйде, рес­публикабыздан тышда да Дагъыстан инчесаниятны арагъа чыгъармакъ учун кёп чалыша. Ону сиптечилиги ва ёлбашчылыгъы булан Москвада да суратчыланы кёп выставкалары оьтгерилген. «Круг» деген баш да салынып Магьаммат Кажлаевни сиптечилиги булан чыгъарылгъан 9 суратчыны асарлары ерлешдирилген альбом да – дагъыстанлылар учун гёрмекли савгъат.
Магьачкъаланы тарих музейинде оьтгерилген выставкада ерлешдирилген суратланы арасындагъы «Тавлулар», «Тюш» дегенлери абстракт къайдада этилген. Оьзю суратчы Магьаммат Кажлаев де эсгерген кюйде, бу выставка ону ватаны булан байлавлу.
– Мен Москвада чалышагъангъа ва яшайгъангъа гёре ватанымда булай выс­тавка оьтгерегеним оьзюм учун гьисап берив йимик къабул этемен. Да­гъыстангъа гелмеге, къардашларым ва къурдашларым булан ёлукъмагъа, янгы асарлар яратмагъа бу выставка бирдагъы бир себеп болду. Мунда мени лап тезде этилген суратларым булан бирче артда этилгенлери де ерлешдирилген.
Количество показов: 447

Комментарии (0)




Возврат к списку

Актуальные новости

              Дорогие друзья!

Присоединяйтесь к нам в соцсетях


insta.jpg

                




1.jpg

2.jpg

3.jpg

4.jpg

5.jpg

9.jpg

10.jpg


ਠ ­®¢®áâ¨.jpg

ªà « â¢.jpg

ANADOLU AJANSI.jpg

haberturk.jpg



AlfaSystems massmedia K3FN2SA