Мы в Instagram:

Instagram

XML имеет неверный формат

«Сирия бизге тарыкъмы?» |


Оьтген жумада Хасавюрт район администрацияда террорчулукъгъа къаршы комиссияны гезикли жыйыны оьтгерилди.


«Сирия бизге тарыкъмы?»

Жыйында районну прокурору Ибрагьим Алибеков, ФСБ-ни Хасавюрт район управлениесини начальниги Магьмут Сайпуллаев, МВД-ни ерли бёлюгюню начальниги Арсланбек Алибеков, билим берив управлениени начальниги, «Единая Россия» деген партияны ерли исполкомуну председатели ва  дин аралыкълагъа къарайгъан комиссияны жаваплы секретары ортакъчылыкъ этдилер.

 

Жыйынны ача туруп, районну башчысы Жамболат Салавов оьтген  2014-нчю йылда ич ишлени, террорчулукъгъа къаршы иш гёреген комиссияны ва дин къурумланы вакиллери къурумлу ишлегенни айтды.

– Оьтген йылда «агъачлыкъгъа» гетегенлер яда законсуз савутлу гючлени арасына къошулагъанлар ёкъ деме ярай, – дей ол. – Олайлар 2012-нчи йылда – 23, 2013-нчю йылда 14 болгъан буса, оьтген йыл бир тюгюл болмады. Тек шону булан бирге Сириягъа дав этме гетегенлени санаву артып тура. Бу йылгъы ишибиз шолай агьвалатлагъа къаршы болма герек.

– Сириядагъы давда бизин райондан 19 адам ортакъчылыкъ эте, – дей район администрацияны башчысыны орунбасары Руслан Амаев.  – Оьтген йылда ерли телевидениени ва газетни кёмеклиги булан англатыв юрютеген ишлерибиз генглешди. Сонг да, бусурманланы дин управлениесинден вакиллер чакъырып, яшёрюмлер булан айры, юрт башчыланы, школаланы директорларын, завучларын айры чакъырып да ёлугъувлар оьтгердик. Шонда не соравлагъа да жавап бериле эди. Юртлагъа барып да айрокъда лектор бёлюгюбюз яшёрюмлер булан ёлугъув юрюте. 

– Сирияда дав этегенлер белгили, оланы он дёртевю халкъара ахтарывгъа берилген, – дей Арсланбек Алибеков. – Дагъы да алтавуна кагъызлар онгарылып тура. Сириягъа гетген уьчевню оьлюп гелтирип де тура, оланы тазиятлары да болгъан.

– Биз тутулгъан 9 адамгъа кагъызлар онгарып, судгъа бере турабыз, –дей Ибрагьим Алибеков. – Сириядагъы давда Новосаситли юртдан – 9,  Теречноеден ва Боташюртдан – экишер, Темиравулдан, Къурушдан да бирер адам ортакъчылыкъ эте.

Жыйынны барышында дагъы да кёп масъалалагъа къаралды. Шолардан бирдагъы аслусуну гьакъында да айта­йыкъ. Алдагъы йылларда террорчулукъгъа оьз ичибизде къарала буса, гьали дюнья оьлчевде къарала. Санавланы айтсакъ, райондан Сириягъа 20 адам гетмек де – кёп. Шолар  тергев этилинмегенликни, алды алынмагъанлыкъны натижасы бола. Олай айтсакъ да, шоланы бир пайы, районда пропискасы бар буса да, оьзлер буса башгъа ерлерде яшайгъанлар болуп да чыгъа. Сириягъа да шондан гетелер. Тек эсгерилегенде гьисапгъа алынгъан ери арагъа чыгъа.

Жыйында «Бизге Сирия тарыкъмы?», оппозицияны ва пачалыкъны асгерини арасындагъы дав къачан буса да битежек, тек олагъа оьзлени масъаласын оьзлеге чечме къойса яхшы деген ортакъ ой болду.

 

Гебек КЪОНАКЪБИЕВ.

СУРАТДА: террорчулукъгъа къаршы ишлейген комиссияны жыйынындан гёрюнюш.

Количество показов: 339

Комментарии (0)




Возврат к списку

Актуальные новости

              Дорогие друзья!

Присоединяйтесь к нам в соцсетях


insta.jpg

                




1.jpg

2.jpg

3.jpg

4.jpg

5.jpg

9.jpg

10.jpg


ਠ ­®¢®áâ¨.jpg

ªà « â¢.jpg

ANADOLU AJANSI.jpg

haberturk.jpg



AlfaSystems massmedia K3FN2SA