Мы в Instagram:

Instagram

XML имеет неверный формат

Президентни Тюркиягъа сапары |

 

Башында Россияны Президенти Владимир Владимирович Путин булан РФ-ни делегациясы Тюркиягъа этген пачалыкъ сапарыны вакътисинде сегиз документге къоллар салынгъан. Россияны ва Тюркияны бирче иш гёрювюню оьр даражалы советини жыйыны бу йыл бешинчи керен оьтгериле. Гетген йыл бу меселдеги ёлугъувлар ноябр айны 22-синде Санкт-Петербургда болгъан. Тюрк Республиканы делегациясына Президент Режеп Эрдогъан ёлбашчылыкъ этген.

Президентни Тюркиягъа сапары

«Газпромну» ва «Botas» деген тюрк компанияны арасындагъы ювукълукъ меморандумну къабул этивден къайры да, Россияны энергетика министерлигини энергетика агентлигини ва Тюркияны энергетика министерлигини арасында амалгъа гелген шолай разиликни меморандумуна да къоллар салынгъан.

«Росатом» ва Тюркияны энергетика министерлиги къоллар салгъан документге гёре Россия Тюркиягъа атом тармакъны касбучуларын да гьазирлежек. Ондан къайры да, сатыв-алыв-экономика ёлда бирче иш гёрювню россия-тюркия комиссиясыны 13-нчю жыйыныны протоколуна да къоллар салынгъан.

Россияны ва Тюрк республиканы арасында  сатыв-алыв-экономика ва инвестиция булан байлавлу ишчи аралыкъланы болдурувну ишлерин белгилейген документлеге де эки де уьлкени  экономика министрлери къоллар салгъан.

Эки де уьлкени загьмат ва социал якъдан оьсювюню министерликлерини арасында да умпагьатлы дыгъарлар къабул этген.

Сапарны вакътисинде РФ-ни экономика оьсювюню  министерлигини ва Тюркияны увакъ ва орта далапчылыкъны оьсювюне кёмек этеген ва якълайгъан  пачалыкъ къурумуну вакиллери де эки де уьлкени арасында  далапчылыкъ юрютювню меморандумуна къоллар салгъан. Жинаятчылыкъгъа къаршы этилеген гьаракатда Россияны ва Тюркияны арасында бир-биревге кёмеклешип иш гёрювню ёлларын беклешдирмекни гьакъында да къабул этилген гьакълашывгъа да къоллар салынгъан.

Россияны Президентини прес-къуллугъу билдиреген кюйде, Тюркияны тыш сатыв-алыв ишлеринде (Германиядан сонг) Россия – сыналгъан ювугъу. Тыш уьлкелер булан юрюлеген сатыв-алыв аралыкъларда Россия учун Тюркия – 7-нчи ерде. 2013-нчю йыл 32,7 миллиард долларны къадарында  эки де уьлкени арасында сатыв-алыв юрюлген. 2014-нчю йылда шо санав 0,5 процентге артгъан (йылны 9 айындан сонг 23,7 миллиард доллар болуп токътай). Россияны Тюркиягъа йиберилеген тувра инвестициялары – 1,7 миллиард доллар. Тюркия Россиягъа этеген инвестициялар – 1 миллиард доллар.

 

РИА «Новости».

Количество показов: 972

Комментарии (0)




Возврат к списку

Актуальные новости





1.jpg

2.jpg

3.jpg

4.jpg

5.jpg
9.jpg
10.jpg
ਠ ­®¢®áâ¨.jpg
ANADOLU AJANSI.jpg
haberturk.jpg



AlfaSystems massmedia K3FN2SA
Анализ сайта yoldash.ru