Мы в Instagram:

Instagram

XML имеет неверный формат

ПАЙДАЛЫ ЁЛУГЪУВ |


Совет Союзну Игити, Юсуп Акаевни атын юрютеген Буйнакск шагьардагъы 7 номерли орта школада чебер асарланы айланасында къумукъ шаирлер Набиюлла Магьамматов ва Казим Казимов булан аналагъа багъышлангъан оьтесиз къужурлу ва пайдалы ёлугъув оьтгерилди. Шо ёлугъувну эсгерилген школаны директоруну тарбиялав ишлеге къарайгъан орунбасары Гьатимат Загьирова, къумукъ тил ва адабият дарсланы тезден берли бажарывлу кюйде юрютеген оьр категориялы, сынавлу муаллим Паваханым Алигьажиева ва гьисап дарсланы муаллими Барият Бейбулатова къарны-гёнгю булан бек тындырыкълы кюйде гьазирлеген эдилер.

 




Къумукъ тилни ва адабиятны оьсювюне багъышлангъан китап выставкалар, шаирлени, язывчуланы асарларына гёре гьазир этилген стендлер  жыйылгъанланы тергевюн тартып турду. Кабинетдеги интерактивный доскада бизин республиканы гёзел табиатына, белгили ва яратывчулукъ тармакъда чалышагъан адамларына багъышлангъан гёрюнюшлер бирини артындан бириси арасы бёлюнмеген гьалда гёрсетиле эди.

Эсгерилген 7 номерли орта школаны оьрдеги класларыны охувчулары ёлугъувгъа чакъырылгъан къонакъланы исси кюйде къаршылап,  азиз аналагъа багъышлангъан асарланы гёнгюнден чебер кюйде охума гиришелер. Яшлар ана тилинде балтатытып охуйгъан шиърулагъа къулакъасып тынглагъан шаирлер Набиюлла Магьамматов ва Казим Казимов ана тилини сигьрулу ва бай дюньясына янгыдан чомулгъандай оьзлени гьис этди деп айтмагъа ярай.

Гертиден де, 7-нчи класны охувчулары Сиражутдин Бекболатов, Гюлжанат Аташева, Абдулмуталим Ибрагьимов, 8-нчи класдан Камилла Мусаева, 10-нчу класдан Умужалил Магьамматова ва Баку Ибрагьимова  таза ва къурч тавушлары булан гёнгюнден уьйренип айтгъан шиърулар жыйылгъанлагъа бек таъсир этди. Охувчуланы айры-айры асарлагъа гёре гьазирлеген сагьна гёрюнюшлери ва оюнлары да макътавгъа лайыкълы эди.

Яшланы чыгъышларындан сонг  шаирлер Н.Магьамматов ва К.Казимов ёлугъувну ортакъчыларына аналагъа ба­гъыш­лангъан асарларын охуп, насигьат сёзлер айтдылар.  

 

 

 

Гюлзар  ЖАЛАКЪОВА,

ана тил ва адабият

дарсланы муаллими.


Количество показов: 283

Комментарии (0)




Возврат к списку

Актуальные новости

              Дорогие друзья!

Присоединяйтесь к нам в соцсетях


insta.jpg

                




1.jpg

2.jpg

3.jpg

4.jpg

5.jpg

9.jpg

10.jpg


ਠ ­®¢®áâ¨.jpg

ªà « â¢.jpg

ANADOLU AJANSI.jpg

haberturk.jpg



AlfaSystems massmedia K3FN2SA