Мы в Instagram:

Instagram

XML имеет неверный формат

Гьарисине йылы сёзлер айтылды |


         Уллу Уьстюнлюкню 70 йыллыкъ юбилейин къаршылавгъа багъышланып, Къарабудагъгент районда кёп тюрлю чаралар гёрюлюп тура. Алдагъы гюнлерде де шоланы бириси районда оьтгерилди. «Къарабудагъгент район» деген муниципал къурулувну башчысы Къапур Исаев давну ва загьматны ветеранларына Уллу Уьстюнлюкню 70 йыллыгъына багъышлангъан юбилей медаллар тапшурду.




      Ёлугъувда Къарабудагъгент район администрацияны башчысы Агьмат Гьажиев ва ону орунбасарлары, район администрацияны яшёрюмлени ишлерине къарайгъан комитетини председатели Гюлжанат Темирова ортакъчылыкъ этдилер.

         Давну ва загьматны ветеранларын Къ.Исаев оьзюню кабинетинде абур этип къаршылады. Чакъырылып гелген гьюрметли къонакъланы арасында бу йыл оьзюню 100 йыллыкъ юбилейин белгилеген Уллу Ватан давну ветераны Гьажи Мугьутдинов да бар эди.

   Дав заманны агъусун сезген гьюрметли ветеранларыбызгъа Къапур Исаев булай деди:

      –Дав майданларда елевчюлер булан ябушгъанлар, давну ва давдан сонггъу йылларда къайратлы загьмат тёгюп, районну алдынлы этебиз деп чалышгъанлар сиз барыгъыз да бугюнгю парахат яшавубузну ювукълашдыргъансыз. Сизин яшавугъуз Ватангъа багъышлангъан ва наслулагъа уьлгю болуп токътагъан. Шо саялы да бизин учун бу медалланы сизге тапшурмакъ – бек сыйлы гьаракатланы бириси . Сонг «Къарабудагъгент район» деген муниципал къурулувну башчысы гьар ветерангъа айрыча йылы сёзлер айтды.

       Ёлугъувну ортакъчылары да медаллар тапшурулгъан ветеранлагъа оьзлени атындан яхшы савлукъ ёрадылар ва баракалла билдирдилер.

    Гьюрметлев медаллар тапшурулуп битген сонг, ветеранланы арив онгарылгъан столланы артында олтуртдулар. Кёпню гёрген тамазалар оьтген гюнлени эсге алып лакъыр этдилер.

     Ёлугъувну ахырында шатлы мюгьлетни эсделикге сакъламакъ учун суратлар чыгъарылды.



        Р. МУСАЕВА.





Количество показов: 259

Комментарии (0)




Возврат к списку

Актуальные новости

              Дорогие друзья!

Присоединяйтесь к нам в соцсетях


insta.jpg

                




1.jpg

2.jpg

3.jpg

4.jpg

5.jpg

9.jpg

10.jpg


ਠ ­®¢®áâ¨.jpg

ªà « â¢.jpg

ANADOLU AJANSI.jpg

haberturk.jpg



AlfaSystems massmedia K3FN2SA