Мы в Instagram:

Instagram

XML имеет неверный формат

Денгиз бойда ял ала |


Школадагъы дарслар битгенде, охувчу яшлар учун инг де леззетли заман башлана. Оланы бирлери уллаталарыны-улланаларыны янына гетелер, бирлери ата-анасына болагъан кёмегин эте. Тек оьсюп гелеген гиччипавланы кёбюсю яшлар лагерлерине бармагъа алгъасай. Гьали яшлар лагерлеге  экинчи сменада ял алмагъа гетген.

Денгиз бойда ял ала

Буйнакск район администрацияны прес-къуллугъундан бизге берген маълуматгъа асасланып айтгъанда, районда 9 лагер ерлешген. Шоларда ял алмагъа гелген яшланы санаву болмагъа тюшегенинден де артыкъ. Савлай республиканы районларындан ва шагьарларындан гелген охувчулар лагерлерде оьзлени савлугъун беклешдире ва заманын пайдалы йибере деп айтмагъа ярай. Шоланы арасында Буйнакск районну юртларындан барып ял алагъанлар айрокъда кёп.

Савлугъун бек­лешдиреген яшлар лагерлеге къарайгъан ведомствоара комиссияны ва Буйнакск район админист­рацияны яшёрюмлени ишлерине, туризмге ва спортгъа къарайгъан бёлюгюню сиптечилиги булан экинчи сменагъа ял алмагъа гетген. Тёбен Къазанышдан ва Тёбен Жюнгютейден гелген 25 охувчу буса директорну тарбиялав ишлерине къарайгъан орунбасары Р. Магьамматованы ёлбашчылыгъыны тюбюнде Каспий денгиз­ни ягъасында ерлешген «Жемчужина» деген савлугъун беклешдиреген лагерде ял алып тура.

Булай сююнчлю агьвалат гьар охувчуну эсинде узакъ замангъа къала. Шо мурат булан Буйнакск район администрацияны бинасыны алдында яшланы шатлы шартларда ёлгъа салгъанлар. Администрацияны къуллукъчусу  М. Къурбанова, яшёрюмлени ишлерине, туризмге ва спортгъа къарайгъан бёлюкню ёлбашчысы А. Ойболатов ва яшланы ата-аналары охувчуланы  яхшы ёл ёрап узатгъан.

Эсгерип айтгъанда, шу меселдеги чаралар район администрацияны къуллукъчулары учун мердешге айланып къалгъан. Аслу мурат буса – яшлар бош заманын тарыкъсыз ишлер булан машгъул болмай, пайдалы оьтгермек.

 

 

 

 

Б. ОЬЛМЕСОВА.

СУРАТДА: яшланы лагерге узатыв.  

Количество показов: 218

Комментарии (0)




Возврат к списку

Актуальные новости

              Дорогие друзья!

Присоединяйтесь к нам в соцсетях


insta.jpg

                




1.jpg

2.jpg

3.jpg

4.jpg

5.jpg

9.jpg

10.jpg


ਠ ­®¢®áâ¨.jpg

ªà « â¢.jpg

ANADOLU AJANSI.jpg

haberturk.jpg



AlfaSystems massmedia K3FN2SA