Мы в Instagram:

Instagram

XML имеет неверный формат

Болжал битди – къаршылыкъ билдирилди |

Белгили болгъан кююнде, дав ва давдан сонггъу йылларда социал-экономика якъдан уллу къыйыкъсытывлагъа ва тас этивлеге тарыгъан Таргъу тавну къанатыны тюбюнде сыйынгъан уьч де къумукъ юртну халкъы – таргъулулар, кахулайлылар ва албёрюгентлилер адилликни ва тюзлюкню якълап, хас талаплар салып разисизлигин билдирип, йиберилген кемчиликлеге Къараман бойда токътагъаны муна арадан 3 йылгъа ювукъ заман оьтмеге тура.


Болжал битди – къаршылыкъ билдирилди

Шо вакътини ичинде ДР-ни башчыларыны атына къаршылыкъ билдирип токътагъанланы янындан бир нече гезиклер гьазирленип тийишли кагъызлар да йиберилди. Шолайлыкъда, арагъа чыгъарылгъан агьамиятлы масъаланы ёрукълашдырмакъ муратда республика оьлчевюнде 4 комиссия да къурулду. 

Тек не этерсен, шо гюн-бугюн оланы талапларын яшавгъа чыгъармакъ учун къурулгъан комиссияланы асувлу иш гёрювю гьис этилинмей.

Шону гьисапгъа алып, артдагъы гезик де, дагъы да ачыкълашдырып айтгъанда, 2014-нчю йылны июль айыны башында Дагъыстанны Башчысы Рамазан Абдулатипов Къараманда къаршылыкъ билдирип токътагъанланы масъаласын ахтарып тийишли чаралар гёрмек учун ДР-ни Гьукуматына 2014-нчю йылны ноябр айыны 1-не ерли бирдагъы болжал гёрсетген эди.

Тек шо масъала белгиленген болжалны ичинде чечилмеген. Къараманда къаршылыкъ билдирип токътагъанлар да шо саялы ноябр айны 10-ндан тутуп ачлыкъ билдирген.

 Бугюнлерде Къараманда ачлыкъ билдиргенлер гьакимиятдан не затны талап эте:

Биринчиси – Таргъу, Кахулай, Албёрюгент юртланы жамият советлерини ва шолай да, эсгерилген юртланы башгъа ватандашларын пачалыкъ ихтияр къурумланы янындан гьызарланагъанлыкъны ва оланы тутагъанлыкъны токътатмакъ. Неге тюгюл, олар уьч де юртну халкъыны талапларын яшавгъа чыгъарыв булан машгъул.

Экинчиси – уьч де юртну халкъыны къылыкъ ва материал якъдан болгъан тас этивлерин къайтармакъ.

Уьчюнчюсю – белгили себеплеге гёре Таргъу тавдагъы юртланы къолдан чыгъарылгъан топуракъларын къайтармакъ.

Дёртюнчюсю – Таргъу тавну ва Къараманны топуракъларын тюпден таба талап турагъан гьакимпавланы намарт хыялларын гери уруп токътатмакъ.

Бешинчиси – Таргъу тавну, Къараманны табии ва топуракъ байлыкъларын къорувну уьч де юртну халкъына тапшурмакъ.

Алтынчысы ва лап да аслусу – алдагъы дазуларын да белгилеп, Аухов ва башгъа районланы йимик Таргъу районну янгыдан къурмакъ.

 

 

 

Къ. КЪАРАЕВ.

Количество показов: 342

Комментарии (0)




Возврат к списку

Актуальные новости





1.jpg

2.jpg

3.jpg

4.jpg

5.jpg
9.jpg
10.jpg
ਠ ­®¢®áâ¨.jpg
ANADOLU AJANSI.jpg
haberturk.jpg



AlfaSystems massmedia K3FN2SA