Мы в Instagram:

Instagram

XML имеет неверный формат

Багьавдинни аты тагъылды |

Оьсюп гелеген наслугъа уьлгю алмагъа, ошамагъа белгили адамлар тарыкъ бола. Шоланы бириси – Багьавдин Гьажаматов. Ол совет гьакимлиги къурулгъанда халкъны арасында билимлени яя туруп, Солтанянгыюрт, Шавхалянгыюрт, Къарабудагъгент, Къоркъмаскъала ва Рутул юртларда кёп ишлеген.

Багьавдинни аты тагъылды
Б. Гьажаматов Гьажидада деген юртда да биринчи муаллим ва ерли школаны биринчи директору болгъан. Юртлулар бугюнлерде де билим беривде гьалал ишлеген Багьавдинни атын унутмагъан, уьстевюне, ону атын ерли школагъа такъма токъташгъан.
Гьажидада юрт башлап Къызылюрт районгъа гире эди, гьали буса Хумторкъали районгъа гире. Къоркъмас­къалагъа ерли 40 чакъырым бар буса да, мундагъы охув ишлеге бек тергев этиле. Охувчулар 2 къабатлыкъ школада охуйлар. Шо да оьзюню заманында Дагъыстанны Гьукуматыны Председатели болуп ишлейгенде Шамил Зайналовну гьаракаты булан къурулгъан.
– Багьавдин Гьажаматов оьзюню заманына гёре бек билимли адам болгъан, – деди Шамил Магьамматович. – Ол янгыз бизин бойда тюгюл, башгъа районлагъа барып да халкъгъа билим берив ишни къуруп юрюген. Гьажидада юртда (алдынгъы Мусакъай отар) буса школаны 1929-1933-нчю йылларда биринчи директору болгъан. Сизге, охувчу яшлагъа, уьлгю алма гьалал кюйде яшагъан адам бар, шо да – бугюн школагъа атын тагъагъан Багьавдин Арсланалиевич Гьажаматов.
Юртлуланы атындан школаны къурагъанда этген гьаракаты учун Ш.Зайналовгъа баракалла билдире туруп, ону директору Ибрагьим Даниялов охувчу яшланы белгили адамлагъа тенг болма чакъырды.
Шолай да, шатлыкъда Хумторкъали районну администрациясыны башчысыны орунбасары Магьаммат Айдамиров, Багьавдинни уланлары Арсланали ва Солтанали, уллатасыны аты тагъылгъан «Къызылюрт ра­йон» деген муниципал къурулувну башчысы Багьавдин Гьажаматов ва дос-къардашы сёйледилер.
Энниден сонг Гьажидада юрт школа Багьавдин Арсланалиевич Гьажаматовну атын юрютежек.

Гебек КЪОНАКЪБИЕВ,
оьз мухбирибиз.
Суратда: Б.Гьажаматовну
аты язылгъан мармарташ.

Количество показов: 334

Комментарии (0)




Возврат к списку

Актуальные новости

              Дорогие друзья!

Присоединяйтесь к нам в соцсетях


insta.jpg

                




1.jpg

2.jpg

3.jpg

4.jpg

5.jpg

9.jpg

10.jpg


ਠ ­®¢®áâ¨.jpg

ªà « â¢.jpg

ANADOLU AJANSI.jpg

haberturk.jpg



AlfaSystems massmedia K3FN2SA