Мы в Instagram:

Instagram

XML имеет неверный формат

Асгер бёлюкню гюню белгиленди |


136-нчы мотострелковый бригада Буйнакск шагьарда ерлешгенли арадан 21 йыл гетди. Асгер бёлюкню яшавундагъы бу тархны къаршылав чаралар Буйнакск шагьардагъы офицерлени уьюнде оьтгерилди.

Асгер бёлюкню гюню белгиленди

Шонда бригаданы штабыны ёлбашчысыны къуллукъларын заманлыкъгъа кютеген Р. Вязовский жыйылгъан асгер къуллукъчуланы байрам булан къутлады ва ватаныны алдындагъы борчун кютеген заманны ичинде оьзлени яхшы яндан гёрсетген асгер къуллукъчулагъа грамоталар тапшурду. Шо гюн лейтенант Роман Шевчикге РФ-ни Оборона министерлигини янындан «За воинскую доблесть» деген 2-нчи даражалы медаль тапшурулду.

Буйнакск районну атындан 136-нчы мотострелковый бригаданы къутламакъ мурат булан администрацияны башчысыны орунбасары Гьажимурат Ражбутдинов, «Буйнакск район» деген муниципал къурулувуну ишлерине къарайгъан Мария Къурбанова, маданият центрны ёлбашчысы Рукъуят Устарханова ва кёп санавдагъы оьзге ёлдашлар да ортакъчылыкъ этди.

– 1999-нчу йылны август айында болгъан дав агьвалатларда бу асгер бёлюкде къуллукъ этеген уланлар оьзлени игит кюйде гёрсетмеге бажарды, – деди, «Буйнакск район» деген муниципал къурулувуну башчысы Д. Шихсайитовну атындан сёйлей туруп, район администрацияны башчысыны орунбасары Гь. Ражбутдинов. – Шо гюнлени эсге алып айтгъанда, бу асгер бёлюкню 1400-ден де къолай асгер къуллукъчусу тийишли медаллар ва орденлер булан савгъатлангъан. Россияны Игити деген атны алгъан офицерлени санаву буса 5-ге чыгъа.

Шо гюн белгиленеген тархгъа байлавлу болуп концерт де болду. «Байтерек» деген эргишилени хору, Атланавул инчесаният школаны охувчулары оьзлени чыгъышларын гёрсетди. Офицерлени уьюнде школаларда охувчулар оьзлени къоллары булан этген алатланы выставкасы да къурулгъан эди. Шонда асгер къуллукъчулар милли ашланы да татывуна къарамагъа болдулар.

Буйнакск районну атындан гелген къонакъланы сёзлерине асасланып айтгъанда, ватандашланы парахатлыгъын сакъламакъ муратда асгер бёлюкде къуллукъ этегенлер булан шу меселдеги исси ёлугъувлар дагъы да болажагъына шеклик ёкъ.

 

 

А. Чарторижская,

Буйнакск район администрацияны прес-къуллугъуну ёлбашчысы.

Суратда: ёлугъувдан гёрюнюш.

М - Гь. Зайдинов чыгъаргъан сурат.

Количество показов: 236

Комментарии (0)




Возврат к списку

Актуальные новости

              Дорогие друзья!

Присоединяйтесь к нам в соцсетях


insta.jpg

                




1.jpg

2.jpg

3.jpg

4.jpg

5.jpg

9.jpg

10.jpg


ਠ ­®¢®áâ¨.jpg

ªà « â¢.jpg

ANADOLU AJANSI.jpg

haberturk.jpg



AlfaSystems massmedia K3FN2SA