Мы в Instagram:

Instagram

XML имеет неверный формат

Агьамиятлы ёлугъув |


        Къарабудагъгент район администрацияда агьамиятлы ёлугъув оьтгерилди. Шо гюн Къарабудагъгент район администрациясыны башчысы Агьмат Гьажиевни кабинетине ра­йонну юртларындан ата-анасыз къалгъан яшлар чакъырылып гелген эди.

Агьамиятлы ёлугъув


        Бу ёлугъувну шолай яшланы гьайын этмек учун къурулгъан къурумну ёлбашчысы Мухсанат Кинавова гьазирлеген. Къарабудагъгент районну юртларындан гелген 19 яшны арасында ата-анасыз яшлар да, ят агьлюлеге алынып сакъланагъан яшлар да бар эди.

            Район администрациясыны башчысы оьсюп гелеген наслуну тарбиялавуну агьамиятын англай туруп, яшлар булан пайдалы ла­къырлашыв оьтгерди. Оьзюню лакъырлашывунда Агьмат Гьажиев олагъа яшав-туруш гьалыны гьакъында соравлар берди, кёп тюрлю пайдалы насигьатлар айтды, гёнгюн алды. «Сиз, яшлар, гьар тюрлю шартлагъа да къарамайлы, яшавда оьз еригизни тутмакъ учун гьаракат этмеге герексиз. Бизин борчубуз буса – сизге пачалыкъны ягъындан гёрсетилеген якълавну яшавгъа чыгъармакъ», – деди ол.

Шо гюн ёлугъувда къарабудагъгентли жагьил улан Руслан Муташев де ортакъчылыкъ этди. «Юнилевер» деген компаниядан таба онгарылгъан сахаватлыкъ чарасын яшавгъа чыгъармакъ учун, ол яшланы оьзлени савгъатлары булан сююндюрдю.

Мухсанат Кинавова ва билим берив тармакъны ветераны Къазимирза Мирзаев яшёрюмлени оьзлени атындан къутладылар.



Ругьаният МУСАЕВА.

СУРАТДА: ёлугъувну ортакъчылары.

Автор чыгъаргъан сурат.



Количество показов: 301

Комментарии (0)




Возврат к списку

Актуальные новости

              Дорогие друзья!

Присоединяйтесь к нам в соцсетях


insta.jpg

                




1.jpg

2.jpg

3.jpg

4.jpg

5.jpg

9.jpg

10.jpg


ਠ ­®¢®áâ¨.jpg

ªà « â¢.jpg

ANADOLU AJANSI.jpg

haberturk.jpg



AlfaSystems massmedia K3FN2SA