Маълумат къураллагъа грантлар токъташдырылгъан

       Ону сёзлерине гёре, жамият арада журналистлени чалышывуна бакъгъан якъдагъы тергевню артдырмакъ, милли тиллерде чыгъарылагъан, олай да ерлерде иш гёреген харлысыз маълумат къуралланы абурун гётермек шо конкурсну алдына салынгъан аслу борчлардан санала. Шондан къайры да, социал агьамияты булангъы масъалаланы гётереген журналистлени якъламакъ конкурсну аслу шарты болуп токътай. 
             Грантгъа лайыкълы болмагъа сюегенлени яратывчулукъ ишлери Бютюнроссия халкъ фонду кюрчюлендирген «Правда и справедливость» деген программаны http://pravdaispravedlivost.onf.ru. хас сайтына бу йылны ахырынчы гюнлерине, демек, декабр айны 28-не ерли йибермеге бола. Оьтгерилеген конкурсну шартлары булан таныш болмакъ учун да шо сайтда имканлыкълар яратылгъан. 
    
             Гьар номинацияда алдынлы ерлени алгъанлар оьрде эсгерилген фондуну жамият советине гирген абурлу, савлай уьлкеде де атлары танывлу журналистлени Интернетде тавуш беривю булан токъташдырылажакъ.
              
               Бютюнроссия халкъ фонду булан 300 миллион манатны къадарында токъташдырылгъан 300 грант ерли ва республика оьлчевде чыгъарылагъан газетлер, олай да оьзге маълумат къураллар учун шексиз кюйде мекенли якълав болажакъ. 


Н. Байболатов.
Авторизация
*
*
Регистрация
*
*
*
Согласны с условиями сайта?
Генерация пароля