Мы в Instagram:

Instagram

XML имеет неверный формат

Яшда гёрген яшынмас |

Артдагъы вакътилерде бизин уьлкебизде де оьзге ерлерде йимик адамланы саниятларына байлавлу ва гьар тюрлю тарихи тархланы гьюрметлеп байрамлар, юбилейлер оьтгерилегени тергевню тартмай болмай. Тюзюн айтгъанда, яшда гёрген яшынмас дегенлей, мени учун да, бары да замандашларыма йимик лап да ювукъ, озокъда, гюл-чечек байламлы ва къуванч­лы май байрамлар санала.


Белгили болгъаны йимик, ер юзюнде яшайгъан бары да халкъланы юрек бирлигини гюню 1-нчи майны, савлай дюнья оьлчевюнде алгъанда, 150-ге ювукъ пачалыкъда бугюнлерде айрыча гьюрмет булан къаршылай, Уллу Уьс­тюнлюкню гюню – 9 Май да шолай халкъара оьлчевюндеги байрамгъа айланып битген.
Бу гезик Язбашны ва загьматны байрамына байлавлу оьз ойларымны «Ёлдашны» охувчуларына да малим этмеге сюемен. Алдын айтылагъан кюйде, дюньяны халкъларыны юрек бирлигини халкъара гюнюню тарихи оьтген асруну ахырынчы йылларындан тутуп, дагъы да ачыкълашдырып айтгъанда, 1886-нчы йылны 1-нчи майындан тутуп башлана.
Арадан кёп заман гетмейли, 1-нчи майгъа багъышлангъан демонстрациялар Германияда, Францияда ва башгъа пачалыкъларда да оьтгерилмеге башлай ва загьматчы халкъланы юрек бирлигини халкъара гюнюне айлана.
Россияда биринчилей 1-нчи май гьалиден 123 йыл алда дюньяны загьматчы халкъларыны юрек бирлигини гюню гьисапда оьтгерилмеге башлагъан.
Бара-бара оьзге ерлерде йимик бизин уьлкебизде де 1-нчи май парахатлыкъны, язбашны ва загьматны байрамына айлангъан. Демек, шо гюн гьали Россияда да ял алыв гюню санала. Адамлар язбашдай гёзел байрамны оьзтёрече оьтгере. Биревлер бав-бахчаларында, дачаларында долана, оьзгелери табиатда ял ала. Районларда, шагьарларда гьар тюрлю маданият ва спорт чаралар оьтгериле…
Озокъда, дюньяны бары да байлыкълары, яшав загьматдан ва топуракъдан таба амалгъа геле. Муна шо саялы да бизин пачалыгъыбызны баш Закону – Конституцияда гьар ватандашны загьмат булан машгъул болувгъа байлавлу ихтиярлары айрыча хат булан эсгерилген.
Тек не этерсен, янгыртывланы, алмашынывланы шартларында уьлкебиз бир жамиятдан башгъасына гёчеген девюрде бир-бир ватандашланы, загьматчы адамланы баш ихтиярлары къыйыкъсытыла, талавургъа белсенгенлери байына. Иш ерлер етишмейгенлиги ва загьмат тёкмек учун онгайлыкълар, имканлыкълар аз саялы иш беривчюлени тюзсюзлюклерине байлавлу ерлерде разисизликлер тувулунагъаны да ойлашдырмай болмай.
Муна шо саялы да Дагъыстанны проф­союзларыны сиптечилиги булан бизин республикабызда да загьматчы халкъны ихтиярларын якълап, 1-нчи майда гьар тюрлю чакъырывланы тюбюнде митинглер оьтгерилегени мердешге айлана бара.
Озокъда, алда йимик гьали де Язбашны ва загьматны байрамы бизге ювукъ ва аявлу. Гьакъ юрекден газетибизни охувчуларына да шондан пайдаланып парахатлыкъны, бирликни, тенгликни, къурдашлыкъны шартларында натижалы загьмат ва аманлыкъ ёрамагъа сюер эдик.

Къ. Къараев.

* * *
Магьачкъалада болагъан 1 май байрамны парадына оьтген асруну 70-нчи йылларында къошулгъанман. Мен ишлейген коллективни, бары да болмаса да, 80 проценти май байрамны парадына чыкъма борчлу эди. Бош чыкъмайбыз – транспорантлар, байракълар, политбюродагъыланы суратлары... Бир ай алданокъ мекенли гьазирленив юрюле эди. Байрамча гийинген халкъгъа къошулуп, парадда ортакъчылыкъ этип, ондан сонг ял алыв ерлерде гюплешип олтуруп, лакъыр этип, шайлы гёнгюбюз ачылып къайта эдик.
1992-нчи йылдан башлап, ишчи халкъны бирлигини бу байрамы Язбашны ва загьматны байрамына айлангъан. Алда йимик парадлар да болмай, тахшагьарны майданына коллективлер де жыйылмай. Тек акциялар бола.
Редакциягъа, профкомну атына, республиканы маданият къуллукъчуларыны профсоюз комитетинден акция оьтгериле деп артдагъы гюнлерде хас ка­гъыз гелди. Шонда булай талап этиле: «Профсоюз бирлешивлер оьзлени мердешли гьаракатын узата ва халкъны загьмат булан таъмин этивню, социал-экономика якъдан ихтиярларын якълавну гьайын эте туруп, Дагъыс­танны маданият тармакъдагъы къуллукъчуларыны профсоюзуну республика комитети 1 майда акция оьтгере! Магьачкъаладагъы Авар театрны бинасыны алдында болажакъ шо акциягъа сизин коллективден 2 адамны чакъырабыз!»
Булай акциялар да гьар йыл йимик болма тюше. Профсоюз комитетлени ёлбашчыларыны сёйлевлерине, талапларына да тынглап, йыравлагъа да тынг­лап, халкъ тозула. Алдагъы татывлукъ, бирлик, адамланы юзлериндеги шат иржайывлар ёкъ. Парадлар, халкъны бирикдиреген оьзге мердешлер акциялагъа айлангъан сонг, байрамланы «татыву» сама да къалгъай эди...

Я. Бийдуллаев.
Количество показов: 602

Комментарии (0)




Возврат к списку

 



Важные новости

Актуальные новости

              Дорогие друзья!

Присоединяйтесь к нам в соцсетях


insta.jpg

                




1.jpg

2.jpg

3.jpg

4.jpg

5.jpg

9.jpg

10.jpg


ਠ ­®¢®áâ¨.jpg

ªà « â¢.jpg

ANADOLU AJANSI.jpg

haberturk.jpg



AlfaSystems massmedia K3FN2SA