Мы в Instagram:

Instagram

XML имеет неверный формат

Ял алывгъа тергев бакъдырыла |

«Дагестан» деген маълумат агентликни жыйынлар оьтгерилеген залында бизин республиканы туризмге къарайгъан комитетини ёлбашчысы Магьаммат Исаев булан «Ачыкъ гьакимият» деген прес-конференция оьтгерилди. Шону барышында республиканы гьар тюрлю маълумат къуралларыны мухбирлери ортакъчылыкъ этдилер.

Ял алывгъа тергев бакъдырыла
Ёлугъувда белгили болгъаны йимик, ДР-ни туризмге къарайгъан комитетине, Ростуризмде оьтгерилген ярышны эки тиретинден оьтген сонг, Къызлар районда къурмагъа болагъан ял алыв ерлени 2011– 2018-нчи йыллагъа гёз алгъа тутулгъан федерал хас программагъа (ФЦП) къошмагъа имканлыкъ болгъан. Шо гьакъда Дагъыстан Респуб­ликаны Гьукуматыны башчысы А. Гьамитов бу йылны февраль айында къол салгъан «Дагъыстан Республиканы Къызлар районунда турист-рекреционный кластерни къуруву гьакъда» деген къарарда да ачыкъдан айтылгъан.
Гёз алгъа тутулгъан ишлени гьакъында айта туруп, М. Исаев булай деди:
– Дагъыстанда туризмни оьс­дюрмеге бары да онгайлыкълар яратылгъан. Шо себепден Къызлар район да ягъада къалмагъа тюшмей. Балыкъ тутув, ерден чыгъагъан сувланы къаркъараны савлугъу учун къоллав ва шолай да оьзге ишлени яшавгъа чы­гъарыв республикагъа туристлени геливюне болушлукъ этежек.
Ачыкъ этип айтгъанда, РФ-ни Координация советинде бу масъалагъа байлавлу болгъан жыйынны гьасиллерине гёре субъектлер таклиф этген 9 инвест проектлени арасында Дагъыстан Республика да бар. «Шогъар байлавлу герекли проект-смета документлер гьазир этилип тура, шолай да хас проектге къошулмакъ учун тийишли чаралар гёрюле», – деп билдирди жыйынны барышында М. Исаев.
Хас программагъа гирген проектлеге гелеген йылдан башлап федерал бюджетден 666 миллион манатны ва республика бюджетден 150 миллион манатны къадарында акъча маялар гёрсетилежек. Инвестор буса проектлени яшавгъа чыгъармакъ учун тарыкъ болагъан харжны 60 процентин оьзюню бойнуна ала. Акъчагъа айландыргъанда, шо 4,5 миллиард манат болуп токътай.
Республикагъа гелеген туристлер учун болдурулгъан онгайлыкълар гетген йыл яхшы гелим бергенин де М. Исаев эсгерип айтды. Артдагъы эки йылны алып айтгъанда, туристлени санаву 8,1 процентге артгъан. Айрокъда яйдагъы айларда Каспий денгизни ягъасында ерлешген ял алыв зоналагъа гелеген туристлер кёп болгъаны да жыйынны барышында арагъа чыкъды.
М. Исаев де эсгергени йимик, республикада денгизни ягъасында, тав районларда адамны къаркъарасына савлукъ гелтиреген ва тарихи-маданият агьамияты булангъы ял алыв ерлер – Да­гъыстанда туризмни оьсювюню аслулары. Прес-конференцияны барышында тувулунагъан четимликлени гьакъында да айтылды. «Аслу гьалда шо топуракъ масъала булан байлавлу», – деди комитетни башчысы.
Республиканы гележеги учун гелим гелтиреген тармакъгъа байлавлу мухбирлер М. Исаевге соравлар бердилер.

Б. Оьлмесова.
Суратда: прес-конференция
юрюлеген вакъти.
Количество показов: 570

Комментарии (0)




Возврат к списку

 



Важные новости

Актуальные новости

              Дорогие друзья!

Присоединяйтесь к нам в соцсетях


insta.jpg

                




1.jpg

2.jpg

3.jpg

4.jpg

5.jpg

9.jpg

10.jpg


ਠ ­®¢®áâ¨.jpg

ªà « â¢.jpg

ANADOLU AJANSI.jpg

haberturk.jpg



AlfaSystems massmedia K3FN2SA