Мы в Instagram:

Instagram

XML имеет неверный формат

Уьлгюлю оьтген яшав |

«Алтын Юлдуз» булан бирче «Советлер Союзуну Игити» деген ат берилме башлангъанлы бу йыл апрель айны 16-сында 80 йыл тамамланды. Бизин уьлкеде игитликни шо белгиси кёбюсю гьалда 1941 – 1945-нчи йыллар Уллу Ватан давну вакътисинде гёрсетилген къоччакълыгъы саялы берилген. Бары да Советлер Союзуну Игитлери 12 776 адам бар.

Уьлгюлю оьтген яшав
Дагъыстанлылардан биринчилер болуп шо даражагъа етишгенлени арасында Яков Сулейманов да болгъан. Дагъыстан Республиканы Башчысыны ва Гьукуматыны Администрациясыны прес-къуллугъу билдиреген кюйде, республиканы Башчысы Рамазан Абдулатипов апрель айны 16-сында Уллу Ватан давну ветераны Я.Сулеймановну гёрмек муратда ону уьюне баргъан.
Рамазан Абдулатипов ветерангъа о гёрсетген игитликни де, ону давдан сонггъу яшаву да яш наслу учун бек уллу уьлгю болуп токътайгъанны да эсгерген. Яков Сулеймановгъа «Алтын Юлдуз» ва Советлер Союзуну Игити деген ат СССР-ни Оьр Советини Президиумуну къарары булан 1945-нчи йыл 19-нчу апрелде берилген.
Я. Сулейманов давну йылларында гёрсетген къоччакълыгъы учун кёп санавдагъы орденлер ва медаллар булан савгъатлангъан. Давдан сонггъу йылларда Сулейманов тюрлю-тюрлю гьакимлик ишлерде де чалышгъан. Ол Донбассда бузулгъан шахталаны аякъгъа тургъузув ишлерде де ортакъчылыкъ этген, гьатта шахтёрлукъ касбуну да юрютген.
Эсге салсакъ, Дагъыстанда Советлер Союзуну Игити деген атгъа ес болгъанлар 54 адам бар. Россияны Игитлери – 4. Оланы арасында Рейхстаггъа байракъ къакъгъан Абдулгьаким Исмайылов да бар. Космонавт Муса Манаров да, лётчик-сынавчу Магьаммат Талбоев де – шо даражагъа етишген дагъыстанлылар.

ДР-ни Башчысыны ва Гьукуматыны Администрациясыны прес-къуллугъу.
Количество показов: 584

Комментарии (0)




Возврат к списку

 



Важные новости

Актуальные новости

              Дорогие друзья!

Присоединяйтесь к нам в соцсетях


insta.jpg

                




1.jpg

2.jpg

3.jpg

4.jpg

5.jpg

9.jpg

10.jpg


ਠ ­®¢®áâ¨.jpg

ªà « â¢.jpg

ANADOLU AJANSI.jpg

haberturk.jpg



AlfaSystems massmedia K3FN2SA