Мы в Instagram:

Instagram

XML имеет неверный формат

Дагъыстанны янгыртайыкъ |

Дагъыстан Россияда парахатлыкъны региону болсун учун

Дагъыстанда гьар-бир янындан алмашынывлар юрюле. Гьакимлик къурумланы ёлбашчылары алышына. Алмашынывлар барысы да Россия Федерацияны Президенти В. В. Путинни тапшурувларына гёре этиле. Себеби де – Дагъыстан Республиканы социал-ф гьалын яхшылашдырмакъ, политика-маданият даражасын гётермек булан байлавлу. Гьакъыкъатда кёп заманны узагъында тувулунгъан четимликлени ёрукълашдырма да, республиканы кризис гьалындан чыгъарма да имканлыкълар тувулунажакъ.

Шо ёлда хыйлы гёрмекли натилажагъа етишме бажарылгъан. Промышленный производствону оьсювю бар, юрт хозяйство тармакъда пайдалы ишлер этиле, ишчи ерлер болдурула. Бир йылны ичинде такъта шиша чыгъарагъан уллу завод къурулду, томат паста ва оьзге продукция этилеген завод ачылды. 2000 гектаргъа юзюмлюк­лер салынгъан. Школалар, яшлар бавлары ва оьзге тюрлю социал объектлер ишлене. Жамият политикадагъы гьал да яхшы янына багъып оьсе. Бусурманланы арасында да бир-биревню англамагъа ёллар ачыла. Экстремист – террорчулукъгъа къатты къаршылыкъ гёрсетилип чаралар гёрюле.
Дагъыстанны халкъыны кёбюсю Дагъыстан Республикада ёлбашчылыкъны ёлу булан рази. Неге тюгюл, о ёл юртланы, районланы, шагьарланы ватандашларыны гьайын этив булан, оланы яшав талапларын яхшылашдырмакъ булан байлавлу. Бираз алда Дагъыс­тан оьзюню яхшы гьасиллери булан гёрсетилген рейтинглерде Россияда 68–72-нчи ерлени ала эди буса, гьали о инг яхшы 20 регионну арасына гире. Халкъны гьакимият къурумлагъа инанывун алсакъ, шо янындан гьали республика Россияда 3-нчю ерге чыкъгъан.
Республикада гюн сайын гележекге инаныв арта. Ягь-намус деген сёзлеге де халкъ агьамият береген болгъан. Маданият центрлар къурулгъан ва къурула.
Тек бизин арабызда шолай оьрлюк­леге барагъаныбызны сюймейгенлер де бар. Олар не янындан да халкъны арасына питне салма, татывлукъну бузма айлана. Республиканы шу барагъан ёлундан тайдырма гьаракат эте. Олай адамлар янгыз оьзлени гьайында, оланы оьзгелерде аварасы ёкъ.
Биз ойлашагъан кюйде, респуб­ликаны гележегине жаны авруй­гъан адам жамият ишлерде актив кюйде ортакъчылыкъ этме герек. Биз Дагъыстан Республиканы Башчысыны ёлун тутуп, огъар кёмек этме тарыкъбыз. Ону гьаракаты булан криминал коррупция ёлланы юрютегенлеге къаршы иш гёрсетиле.
Бары да дагъыстанлылар, оьзлер къайда яшаса да, бугюн респуб­ликаны Башчысы булан бирче болма герек. Ол этеген реформаланы якълама герек.
Бизин бирче экенибизни гёрсетмек учун, ташлангъан авлакъланы да, бузулгъан булакъланы да, эки якъгъа яйылгъан чёпню де гёрмей гетме тарыкъ тюгюлбюз. Тазалыкъ болдурмакъ учун оьтгерилеген субботниклерде актив кюйде ортакъчылыкъ этме герек.
Дагъыстанны янгыртма тарыкъ. Авлакъланы сюрюп, чачып къолламаса бажарылмай, намуслу кюйде ишлемесе болмай.
Биз Дагъыстанны гележеги баргъа инанабыз, о Россияны инг де яшама онгайлы региону болма тарыкъ. Бары да дагъыстанлыланы шо ёлда оьзлени къошумун этмеге ча­къырабыз. Бизин шолай гьаракатыбыз болса, Дагъыстан экономикасын да гётерип, маданиятын да оьсдюрме болажагъына инаныв бар.

Чакъырывгъа къол салгъанлар:
Агьмат Магьамматович Абдуллаев (Агьмат-гьажи), Арсен Алиевич Акаев, Шамил Гьимбатович Алиев, Фазу Гьамзатовна Алиева, Ильман Субгьанович Алипулатов, Николай Юрьевич Алчиев, Гьамит Рашитович Аскерханов, Лариса Ибрагьимхалиловна Гьажиева, Гьамзат Магьамматович Гьамзатов, Тимур Багьавутдинович Гусаев, Ибрагьим Магьамматович Ибрагьимов, Тагьир Абдурашитович Исмайылов, Абдулла Абдуллаевич Магьамматов, Айгун Халитович Магьамматов, Ирина Германовна Нахтигал, Уммупазил Авадзиевна Омарова, Ширвани Рамазанович Чалаев, Алипаша Жалалович Умалатов.
Количество показов: 586

Комментарии (0)




Возврат к списку

 



Важные новости

Актуальные новости

              Дорогие друзья!

Присоединяйтесь к нам в соцсетях


insta.jpg

                




1.jpg

2.jpg

3.jpg

4.jpg

5.jpg

9.jpg

10.jpg


ਠ ­®¢®áâ¨.jpg

ªà « â¢.jpg

ANADOLU AJANSI.jpg

haberturk.jpg



AlfaSystems massmedia K3FN2SA