Мы в Instagram:

Instagram

XML имеет неверный формат

Буйнакск районда – уллу агьвалат |

Бу йылны апрель айыны 4-нде Буйнакск районда, гертиден де, уллу агьвалат болду. Шо гюн Эрпелиде янгы эки къабатлы больница, Тёбен Къазанышда аривлюгюн айтып битдирип болмасдай мукъаятлы кюйде къурулгъан яшлар баву ва Атланавулну юву­гъунда цемент завод пайдаландырывгъа берилди.

Буйнакск районда – уллу агьвалат

Бу агьвалатланы гёрмеклигин ва агьамиятлыгъын артдыргъан бирдагъы бир зат шондагъы шатлыкълагъа Дагъыстан Республиканы Башчысы  оьзю Р. Абдулатипов, Дагъыстанны Халкъ Жыйыныны Председатели Х. Шихсайитов ва оьзге жаваплы къуллукъланы башын тутгъан ёлдашлар иш этип гелгенликдир. Сыйлы къонакъланы уьч де ерде, кёп халкъ жыйылып, шатлыкъ шартларда исси къаршылады.


Эрпелиде, Къазанышда ва Атланавулда, жыйынланы ачып гиришив сёз айтагъанда, Буйнакск районну башчысы Д. Шихсайитов ерли жамиятланы бу агьвалатлар булан къутлады, республиканы Башчысы Рамазан Абдулатиповгъа, халкъгъа гьажатлы идараланы къурмагъа гьар-бир якъдан кёмеклер этеген учун уллу баракалла билдирди.

Сонг ол 10 йылланы узагъында къурулагъан Эрпели больницагъа 34 миллион манат тюгюл берилмегенни ва янгыз гетген йыл буса шону къурулушуна республика бюджетинден 34 миллион манат гёрсетилгенни, шону яхшылыгъындан больницаны арив этип къуруп битдирме бажарылгъанны, янгы ишчи ерлер болгъанны малим этип сёйледи.

Сонг, Р. Абдулатипов бу тайпа объектлени къурувгъа ва шонда ишлемеге жигерли, билимли специалистлер гьазирлевге кёп агьамият берме тюшегенни эсгерди…

Больницаны алдында Рамазан Гьажимуратовичге ва Хизри Исаевичге къызыл лентаны гесмеге тапшурулду. Олар ва оланы узатагъан оьзге ёлдашлар больницаны ичиндеги гьалгъа къарап чыкъдылар.

Мундагъы къуллукълары битген сонг, бары да къонакълар Тёбен Къазанышгъа тербендилер. Мунда янгы яшлар бавуну абзарында къонакъланы жыйылгъан халкъ харс уруп къаршылады. Сёйлевлер, къутлавлар тамамлангъан сонг, баягъы, эшик алны къыркъып тартылгъан къызыл лентни Р. Абдулатипов ва Х. Шихсайитов гесдилер.

Оьзюню сёзюн тамамлай туруп, районну башчысы Д. Шихсайитов Р. Абдулатиповгъа «Буйнакск районну гьюрметли ватандашы» деген атны шагьатнамасын тапшурду ва ­огъар агъачкъомузну савгъат этип берди.

Яшлар бавуну арив бинасыны ичинден айланып чыкъгъан сонг гьакимлени ва къонакъланы уллу гюбю Атланавулну юву­гъунда къурулуп ишлеме башлагъан цемент заводгъа да бардылар. Жыйында сёйлевлер битгенде, Р. Абдулатипов ва Х. Шихсайитов бу цемент заводну ишлетмеге хас кнопкагъа къол басдылар. Эсгерилген завод Гьамит Алигишиевни къасты булан ва аслу гьалда ону оьз харжына ишленген. Мунда 100 адамгъа иш болажакъ, йылда 150 минг тон цемент чыгъарылажакъ.

Оьзюню сёйлевюню барышында Дагъыс­танны Башчысы Р. Абдулатипов  аз заманны ичинде этилип турагъан кёп янгылыкълар ва къурулуп ишге салынгъан уллу объектлер башында Даниял Шихсайитов да булан районну гьакимияты ишни багъыйлы кюйде къуруп да, юрютюп де болагъанны исбатлайгъанны айрыча маъна берип эсгерди.

 

Абдулла ЗАЛИМХАНОВ.

Суратда: цемент заводну ишге гиришгенин белгилеп, Р. Абдулатипов ва Х. Шихсайитов кнопкагъа къол басгъан мюгьлет.

Количество показов: 537

Комментарии (0)




Возврат к списку

 



Важные новости

Актуальные новости

              Дорогие друзья!

Присоединяйтесь к нам в соцсетях


insta.jpg

                




1.jpg

2.jpg

3.jpg

4.jpg

5.jpg

9.jpg

10.jpg


ਠ ­®¢®áâ¨.jpg

ªà « â¢.jpg

ANADOLU AJANSI.jpg

haberturk.jpg



AlfaSystems massmedia K3FN2SA